Familia:Lamiaceae

Planta perenne

Orixe: zonas cálidas do hemisferio sur: India, Australia, África e Indonesia.

Porte e altura: planta herbácea de porte rastreiro ou colgante.

Follas: pequenas, de ata 3 cm de longo, de cor verde con bordos dentados e marxinados de branco ou crema.

Flores: dispostas en acios, moi pequenas, de cor branca ou púrpura clara, sen moito valor ornamental

Utilidades e curiosidades: emprégase como planta ornamental de interior ou exterior. Decorativa pola coloración das súas follas. Valorada tamén polo seu aroma agradable, que recorda moito ao do incenso e que actúa como antimosquitos.

Necesidades e cultivo: é unha especie de rápido crecemento, moi común. Necesita moita luz, pero non é recomendable colocala nun lugar con exposición directa ao sol. Débese plantar nun lugar protexido, xa que é sensible ás baixas temperaturas. Débese podar antes da primavera para saneala.