A vicepresidenta da Deputación asiste á gala da Fundación Denis Suárez a favor da asociación ACEESCA
26/06/2025
A vicepresidenta da Deputación de Pontevedra, Luisa Sánchez, asistiu este mércores no Pazo Los Escudos (Vigo) á gala organizada pola Fundación Denis Suárez co obxectivo de recadar fondos a favor da asociación ACEESCA. Esta entidade, dedicada a apoiar as persoas con diversidade intelectual, beneficiouse en 2024 de achegas por valor de preto de 15.000 euros da Deputación para a posta en marcha do proxecto “Ocio centrado na persoa” e, no marco do programa Provincia +Inclusiva, para realizar obras de mellora de accesibilidade nas súas instalacións no Porriño.

