A vicepresidenta primeira e delegada de Deportes da Deputación de Pontevedra, Marta Fernández-Tapias, mantivo esta tarde unha reunión coa directiva da Federación Galega de Ciclismo.

No encontro, a federación presentoulle á vicepresidenta o Gran Premio Cidade de Pontevedra de Ciclocrós, que terá lugar este sábado 7 de outubro, así como outros eventos de especial relevancia que terán lugar esta tempada, coma o Campionato de Europa de Ciclocrós, do que tasmén será sede a cidade de Pontevedra. Pola súa banda, a vicepresidenta reiterou o compromiso da institución provincial co deporte, “eixe prioritario deste mandato”, e o apoio que a entidade lles prestará a actividades deportivas que contribúen a facer da provincia un referente.