. A deputada de Infraestruturas Públicas e Mobilidade, Belén Cachafeiro, supervisou esta mañá o estado da estrada provincial EP-6503 Silleda-Siador-Refoxos, no Concello de Silleda, onde a Deputación de Pontevedra vai investir preto de 780.000 euros para mellorar a seguridade viaria e garantir a debida prestación do servizo público.

Tal e como explicou a deputada, as obras que se van desenvolver abranguen a totalidade da estrada, é dicir, os 7,6 quilómetros que unen Silleda e Refoxos e que discorren de maneira íntegra polo Concello de Silleda. En liñas xerais, a actuación consiste na reposición do firme co obxectivo de garantir a mellora da seguridade viaria.

Con esta actuación, ao detalle, vanse executar saneos e realizar o fresado da capa de rodaxe en mal estado. Tamén se instalarán redutores de velocidade en Corrospedriños, atendendo a solicitude da veciñanza, levarase a cabo o recrecido do firme mediante a extensión dunha capa de formigón botuminoso en quente e reporase a sinalización horizontal. Belén Cachafeiro explicou que unha vez que estea licitada e adxudicada a obra, está previsto que a actuación se desenvolva nun prazo de execución de catro meses.

Galerias de imaxes