Da túa man (rural)

• Concellos:

  Agolada

  Arbo

  Barro

  Campo Lameiro

  Cuntis

  Forcarei

  Meis

  Mondariz

  As Neves

  Rodeiro

  Pontecesures

• Programa:

  Axudas para o apoio da actividade comercial en zonas rurais (Plan de recuperación, transformación e resiliencia)

• Convocatoria:

  Convocatoria de 2022

• Fondos:

  Next Generation

• Órgano responsable:

  Ministerio de Economía, Comercio e Empresa

O obxectivo é visibilizar e modernizar o pequeno comercio local e adaptalo aos novos hábitos de consumo a través da implantación e do uso das novas tecnoloxías e do desenvolvemento de prácticas que promovan a economía circular (redución na creación de residuos, promoción da reciclaxe e reutilización dos residuos), así como dunha mellora no acondicionamento dos espazos que sirva para ofrecerlle un servizo óptimo á poboación local e de foco de atracción de visitantes.
Así mesmo, preténdense crear vínculos en toda a cadea de valor do comercio local e o produto de quilómetro cero para impulsar unha estratexia común. Implicaranse as comunidades locais da man dos concellos e da Deputación de Pontevedra, e aproveitaranse as potencialidades e os recursos endóxenos (produtos locais, culturais e turísticos) destes termos municipais para favorecer a empregabilidade e a permanencia da veciñanza no territorio.
Os concellos incluídos neste proxecto son Agolada, Arbo, Barro, Campo Lameiro, Cuntis, Forcarei, Meis, Mondariz, As Neves, Rodeiro e Pontecesures.
"Da túa man (rural)" articúlase ao redor das seguintes actuacións:

• Transformación dixital mediante campañas de comunicación e promoción en soportes dixitais.
• Transformación do punto de venda mediante a adaptación da accesibilidade á contorna comercial e sinalética integrada.
• Sostibilidade e economía circular mediante a promoción da embalaxe sostible, a instalación de illas ecolóxicas e actuacións de economía circular, e dispositivos para reciclar residuos especiais.
• Cadea de subministración e rastrexabilidade a través da creación dunha rede de comercio retallista de produtores locais e provedores.
• Sensibilización e formación teórica e práctica de habilidades, uso e xestión de ferramentas tecnolóxicas no comercio, e sensibilización e campañas para fomentar estratexias de economía circular.

Ligazóns de interese