17 MAIO
2008
DÍA DAS LETRAS GALEGAS
“(...) Un día non lonxano nós mesmos fumos gratamente sorprendidos, ao asistir nunha xeira gozosa ao Antroido de Nerga (Península do Morrazo), a certa pantomima na que un persoaxe brandía unha longa espada de madeira, en cuia folla leíase: 'Espada de Roldán'. Foi diste xeito, pola forza penetrativa da fábula literaria, como se popularizaron en Galiza os temas da literatura cabaleiresca, ...”
“Cantares e romances vellos prosificados”, Discurso de ingreso na Real Academia Galega (1964)
Xosé M.ª Álvarez Blázquez
(Tui, 1915 – Vigo, 1985)
Foi un escritor, poeta, editor, arqueólogo, dinamizador cultural e cronista da cidade de Vigo. Estudou Maxisterio en Pontevedra, onde foi un dos fundadores da revista Cristal, e Filosofía e Letras en Santiago de Compostela. Participou nas Mocedades Galeguistas e foi membro da Real Academia Galega, proposto por Francisco Fernández del Riego. Fundou a editorial Castrelos e foi tamén propietario dunha libraría e colaborador habitual en diversos xornais e revistas.
GRANDES ÉXITOS
1950
Roseira do teu mencer (1950) é un poemario dedicado á súa filla, que daquela tiña dous anos. É un canto á paternidade e ao amor que sente por ela.
Canle segredo (1976) é unha obra poética escrita en 1953, aínda que non se publicou ata anos despois. O amor, a nostalxia e a nenez son as temáticas en torno ás que xira esta publicación, gañadora do Premio Pondal do Centro Galego de Bos Aires.
1976
Outras obras
Cancioneiro de Monfero (1953), A pega rabilonga e outras historias de tesouros (1971), Escolma de poesía medieval (1975) e Alexandre Bóveda. Apunte biográfico (1982)
“(…) Participamos nas Mocedades Galeguistas sendo Xosé María Álvarez Blázquez o delegado por Pontevedra; Máis tarde tivemos moita relación en Vigo e tamén coincidimos nos meses de verán en Coruxo compartindo conversas, praia e lecer.”
Francisco Fernández del Riego