A vicepresidenta da Deputación de Pontevedra, Luisa Sánchez, participou este domingo na multitudinaria saída da terceira e última etapa de La Solitaire du Figaro, que partiu contra as 17.00 horas do porto de Vigo en medio dunha grande expectación. Ademais das numerosas persoas que seguiron a regata desde terra, unha morea de embarcacións locais acompañaron pola ría aos monotipos da competición, deixando así unha fermosa imaxe que quedará para o recordo.

"Foi un pracer recibir en Vigo a La Solitaire du Figaro, que deixou unha grande pegada, tanto en termos deportivos como turísticos, na nosa cidade ao dala a coñecer en todo o mundo grazas ao forte impacto mediático que ten esta prestixiosa proba internacional. Brindou, ademais, un verdadeiro espectáculo", resumiu a vicepresidenta provincial, quen puido saudar a algúns dos patróns nos prolegómenos da saída para desexarlles sorte na súa travesía ata a Normandía e para amosarlles a súa admiración pola "fortaleza física y mental que demostran ter".