A vicepresidenta provincial, Luisa Sánchez, asistiu este domingo á entrega de premios do Campionato Provincial de Bateis Deputación de Pontevedra que se disputou esta fin de semana na ría de Vigo. No acto, celebrado na Praza de Armas da ETEA, a tamén deputada de Deportes reivindicou o remo base tras dous días de intensa competición nos que participaron preto de cen embarcacións pertencentes a doce clubs diferentes. O evento mobilizou preto de 750 remeiros e remeiras, entre titulares e suplentes de categorías alevín, infantil cadete, xuvenil, sub 23 e absoluta. A proba contou co mesmo número de tripulacións masculinas e femininas e tivo carácter selectivo para o Campionato Galego.