Pontevedra 4 Picos Bike é un evento deportivo de ciclismo que se leva a cabo na provincia de Pontevedra, de carácter non competitivo e orientada á superación persoal das e dos participantes.

É unha proba de referencia no ámbito nacional en BTT que propón dous percorridos que ascenden os catro picos que rodean a cidade de Pontevedra: monte Gagán, A Fracha, Castrove e Acibal.

O evento sitúa a súa saída e chegada no Pazo de Congresos de Pontevedra e desenvólvese ao longo dunha fin de semana, con actividades complementarias coma a entrega de dorsais e a feira do corredor, alén de actos de peche e entrega de trofeos.