Servizo responsable da iniciativa

Novas Tecnoloxías

Prazo para a remisión de consultas

Do 6 ao 16 de xuño

Descrición

A norma que se vai elaborar é a Ordenanza reguladora do funcionamento da oficina tecnolóxica de asistencia aos concellos da provincia de Pontevedra. Esta oficina abrangue un catálogo de servizos en materia de tecnoloxías da información e da comunicación (TIC) que a institución provincial desexa prestarlles aos concellos da provincia de menos de 50.000 habitantes.

Necesidade de oportunidade e a súa aprobación

A posta en marcha dunha oficina tecnolóxica de asistencia aos concellos da provincia de Pontevedra é un compromiso da Deputación para darlles unha resposta máis cohesionada e eficiente aos retos en materia de transformación dixital dos concellos de menos de 50.000 habitantes.

A Deputación de Pontevedra, consciente da grande importancia das TIC como ferramentas para impulsar o progreso e o desenvolvemento dos distintos territorios, pretende canalizar os servizos e accións de asistencia ás mencionadas entidades  relacionadas con estas tecnoloxías.

Obxectivos da norma

Regular os requisitos do procedemento de adhesión dos concellos aos servizos da devandita oficina de asistencia tecnolóxica e determinar as distintas actuacións que se van acometer no marco do proxecto, a carteira de servizos que se ofrecerán e a súa vixencia temporal.

Rango da disposición

Norma de rango regulamentario (ordenanza local)

Estado

Aberta

Publicado

06/06/2026