A Deputación de Pontevedra aprobou este venres na Xunta de Goberno unha nova achega no marco do Plan +Provincia 2026-2027 para o Concello da Estrada por valor de 88.000 euros. Con estes recursos, o Concello poderá financiar dúas actuacións de mellora de distintos espazos públicos do municipio.

En concreto, o Concello da Estrada recibirá esta nova achega do goberno provincial para financiar, por unha banda, a mellora dos accesos ás vivendas na zona da Sagrada, en Codeseda, coa súa correspondente rede de recollida de augas pluviais. Utilizarase formigón en cor ocre (terra) tanto para a zona dos vehículos como a peonil. Por outra banda, os recursos tamén irán parar ao campo de festa de San Xorde de Cereixo, que se repavimentará mediante a aplicación dunha capa de formigón sobre a existente.

Luis López lembrou que o Plan +Provincia 2026-2027 está dotado de 85 millóns de euros. “Non hai Xunta de Goberno na que non afondamos na prioridade que debe ter unha institución coma esta: a cooperación cos concellos”, asegurou o presidente da Deputación.