#IGUALDADE

Campaña contra as agresións sexuais

"Lembra: eu decido, ti respectas" - "Conta comigo, eu respéctote"

A Deputación de Pontevedra continúa adiante coa súa campaña de prevención das agresións sexuais "Lembra: eu decido, ti respectas", que lle dá continuidade á iniciada en 2017 baixo o lema "Conta comigo, eu respéctote".


O obxectivo desta iniciativa é previr e actuar contra as agresións sexuais categorizadas como violacións en cita e as agresións por submisión química. Trátase dunha campaña informativa entre a mocidade para sensibilizar, concienciar e informar sobre a violencia sexual que padecen as mulleres.

A finalidade é poñer o foco no consentimento trasladándolle tres ideas indispensables á xente moza:

  • O silencio non é un si
  • Se a outra persoa está bébeda ou inconsciente, non hai consentimento
  • A outra persoa ten dereito a parar en calquera momento

A mensaxe transmitida ás persoas asistentes caracterízase pola insistencia na necesidade de focalizar a culpabilidade no agresor, nunca na vítima.

A campaña desenvólvese nos Rías Baixas Fest e nas festas de interese turístico da provincia. 

Disporemos de guías con cadansúa mensaxe diferenciada, unha dirixida ás mozas e outra aos mozos. A campaña está aberta á participación de todas aquelas persoas que desexen implicarse subindo os seus vídeos ás RRSS. Deste xeito potenciarase o impacto da campaña, favorecerase o seu efecto multiplicador e aumentarase o seu alcance.

A posta en marcha deste tipo de iniciativas contribúe sen dúbida ao avance cara á igualdade efectiva entre mulleres e homes e a Deputación de Pontevedra segue traballando sen descanso para lembrarlle á cidadanía os nosos dous lemas: #LembraEuDecidoTiRespectas #ContaComigoEuRespéctote

Noticias relacionadas

 
		O talento da artista visual Yolanda Domínguez no novo e impáctante audiovisual da Deputación para concienciar e loitar “contra as agresións sexuais”

O talento da artista visual Yolanda Domínguez no novo e impáctante audiovisual da Deputación para concienciar e loitar “contra as agresións sexuais”

A peza proxectarase nos Rías Baixas Fest e nos Rías Baixas Film Fest, e este ano tamén chega ás pantallas das salas de cinema de Pontevedra, Vigo e Vilagarcía

 
		A aposta da Deputación polos Rías Baixas Fest como plataforma turística da provincia faise evidente coa intensa presencia en PortAmérica

A aposta da Deputación polos Rías Baixas Fest como plataforma turística da provincia faise evidente coa intensa presencia en PortAmérica

Carmela Silva asiste á sesión vermú na Tafona, visita o stand de Igualdade da Deputación e destaca a actuación de Law, artista mentorizada por Descúbreas

 
		Portamérica levantará o 2 de xuño o pano dos Rías Baixas Fest coa súa fusión de música, natureza e gastronomía en tres escenarios de Portas e Caldas

Portamérica levantará o 2 de xuño o pano dos Rías Baixas Fest coa súa fusión de música, natureza e gastronomía en tres escenarios de Portas e Caldas

Carmela Silva: ”Este festival, que é unha referencia da industria musical en todo o Estado, deixa unha pegada inesquecible e este ano vai ser espectacular porque a xente está desexosa de ser feliz, e que dá máis felicidade que a cultura”

— 3 Resultados por páxina
Mostrando o intervalo 1 - 3 de 4 resultados.