Albergue Dignidad Galicia
- Vigo
- 674 386 369
- dignidadvigo@hotmail.com
- dignidadgalicia.org/
Albergue Dignidad Galicia é un proxecto que desenvolve a Asociación Dignidad Galicia en Vigo e que se configura como un centro de inclusión e emerxencia social no que se aloxan temporalmente persoas que carecen dun fogar de forma permanente ou eventual.
Persoas destinatarias
Está dirixido a maiores de 18 anos en situación de exclusión ou emerxencia social que, debido a sinistros na súa vivenda, carencias socioeconómicas, problemas de saúde ou graves conflitos convivenciais ou persoais, pasan por unha situación de carencia aguda que inclúe a non disposición efectiva dun fogar ou dun núcleo substitutivo deste.
Capacidade
O Albergue Dignidad Galicia conta con 17 prazas, distribuídas en tres habitacións con armarios individuais e mesas de noite.
Horario de funcionamento e estadía
O centro permanece aberto os 365 días do ano, polo menos durante 12 horas ao día. O horario de entrada ao albergue é de 20 a 22 horas e o de saída, de 8 a 9 horas. As prazas poderán solicitarse de luns a venres de 9 a 12 horas. A duración das estadías é, como máximo, de dez días e, de maneira excepcional, admitiranse estadías máis amplas. Tras a saída, non poden volver usar este recurso ata que pase un mes.
Actuacións:
Acollida e atención social
- Pernoctación
- Manutención (almorzo e cea)
- Unidades de hixiene
- Roupeiro de emerxencia
- Lavandería
- Consigna
- Enderezo postal e empadroamento
- Obradoiros, co fin de apoiar a inclusión social básica e a transición ao emprego
Datos de contacto
Rúa Toledo 9, baixo, 36205 Vigo