Asociación de Cáncer Infantil y Juvenil de Galicia (ASANOG)

ASANOG

• Vigo
• 664 12 61 04
• asanog@asanog.org
• www.asanog.org

Obxecto

• Contribuír á mellora do estado no aspecto médico, psicosocial, asistencial, laboral, económico, educativo etc. da infancia e adolescencia oncolóxica e das súas familias.
• Fomentar e desenvolver cantos medios sexan posibles para conseguir que as e os menores con cancro tratados na comunidade galega teñan as mellores oportunidades de diagnóstico, tratamento e curación coa maior calidade de vida posible.
• Traballar para que o desenvolvemento socioafectivo da infancia e adolescencia oncolóxica e das súas familias sexa o máis adecuado ás súas especiais circunstancias.
• Crear e fomentar grupos de apoio para realizar actividades de axuda mutua e autoaxuda.
• Apoiar e representar a infancia e a adolescencia oncolóxica, así como as súas familias, para a consecución dos seus dereitos e a denuncia da súa vulneración, ademais de promover os dereitos de menores con discapacidade.
• Dar a coñecer ASANOG e a problemática do cancro infantil.
• Promover a integración escolar e social da infancia e adolescencia oncolóxica e das súas familias, así como favorecer actitudes sociais positivas para contribuír á súa plena inclusión social.
• Desenvolver proxectos e actividades relacionadas co fomento e participación da acción voluntaria.
• Favorecer un maior coñecemento por parte da sociedade do cancro infantil e dos seus tratamentos fomentando a divulgación dos estudos desenvolvidos.
• Fomentar a investigación en materia de enfermidades oncolóxicas que afectan a infancia e adolescencia en aspectos médicos, psicolóxicos e socioeconómicos.
• Promover a formación de profesionais multidisciplinares de oncoloxía pediátrica.
• Favorecer e coordinar a participación de institucións públicas e privadas nos plans, programas e/ou actividades que elabore a asociación.
• Articular os mecanismos para a participación de ASANOG nos plans e programas dos servizos públicos ou privados como voceiros recoñecidos dos intereses e das necesidades da infancia e adolescencia oncolóxica, así como a das súas familias.
• Impulsar alianzas con sociedades médicas e colectivos profesionais, tanto da especialidade coma con outras afíns, e con institucións e organizacións relacionadas co cancro infantil.
• A realización de calquera outra actividade que de forma directa ou indirecta contribúa ao cumprimento da misión de ASANOG ou redunde en beneficio da infancia e da adolescencia con cancro e das súas familias.

Áreas de intervención

Atención psicosocial:

Con atención primaria, psicolóxica e social.

Atención sociocultural e educativa:

Con acompañamento diario de lecer e apoio educativo.

Atención socioeconómica:

Con apoio económico e aloxamento.

Atención mediante terapia ocupacional:

Apoio terapéutico.

Dotación de recursos :

Con proxectos de humanización e equipamento.

Persoas destinatarias

Infancia e adolescencia con cancro tratada na comunidade autónoma de Galicia e as súas familias.

Principais proxectos

ASANOG basea a súa estrutura en tres programas fundamentais:

ACOUGO

Programa co que se fomentan, desenvolven e xestionan iniciativas relacionadas coa atención sanitaria ás e os menores oncolóxicos e ás súas familias.

Investigación do cancro infantil.

Coidados paliativos pediátricos a domicilio. Creación dun centro de referencia.

Atención a adolescentes en unidades pediátricas.

MEU BEN

Programa co que se fomentan, desenvolven e xestionan proxectos relacionados coa calidade de vida de menores oncolóxicos e das súas familias.

Psicosocial. Socioeconómico. Aloxamento temporal. Respiro familiar.

Sociocultural, lecer e tempo libre. Sensibilización e concienciación. Humanización.

SUMAMOS

Xunta todas as propostas orientadas á obtención de recursos humanos, materiais e económicos, necesarios para o correcto desenvolvemento dos programas

e proxectos de acción directa e indirecta.