+deporte
Axudas para medios de transporte destinados a actividades deportivas
O deporte é unha actividade de interese xeral, recoñecida pola Deputación de Pontevedra como unha ferramenta esencial para o benestar físico e emocional, a inclusión social, a promoción de hábitos saudables e a transmisión de valores fundamentais como o esforzo, o respecto e a cooperación. Como a provincia do deporte, o noso compromiso vai alén da competición, apostamos por facilitar todas as condicións necesarias para a súa práctica.
A realidade deportiva, especialmente no ámbito competitivo, implica unha necesidade constante de medios de transporte que garantan a mobilidade eficiente e segura de deportistas e entidades. Facilitar esta mobilidade contribúe directamente a mellorar as condicións nas que se desenvolven as distintas modalidades deportivas e ao óptimo rendemento das e dos nosos atletas.
Por primeira vez, a Deputación de Pontevedra, a través do seu Servizo de Deportes, lanza unha liña de subvencións para sufragar os custos derivados da adquisición ou adaptación de vehículos e medios de transporte destinados especificamente á actividade deportiva. Esta medida reafirma o compromiso da institución co fomento e desenvolvemento do deporte na provincia como un alicerce estratéxico na nosa xestión.
O obxectivo principal destas axudas é facilitar os desprazamentos necesarios para participar en adestramentos, competicións e outras actividades deportivas. Con esta iniciativa preténdese mellorar as condicións de mobilidade e promover unha práctica deportiva segura, estruturada e accesible para todas e todos os deportistas da provincia, con especial atención ás necesidades específicas das persoas con discapacidade, garantindo así a igualdade de oportunidades.
Novas relacionadas
{"classPK":14086502,"groupId":"37861","name":"20251128_luislopez_rp_restevez1.jpeg","alt":"Luis López en rolda de prensa","title":"20251128_luislopez_rp_restevez1.jpeg","type":"document","uuid":"cb97f137-f771-2bc5-9bc4-1e5a7f488f8c","fileEntryId":"14086502","resourcePrimKey":"14086555"}
A Deputación duplica as axudas DepoVAN, que chegan aos 600.000 euros para que os clubs deportivos da provincia adquiran medios de transporte
28/11/2025
{"classPK":50976,"groupId":"37861","name":"ADEPO2.jpg","alt":"Imaxe da fachada da Deputación","title":"ADEPO2.jpg","type":"document","uuid":"ebef83e7-81f5-032b-2732-7df14f82dfd8","fileEntryId":"50976","resourcePrimKey":"14016148"}
A Deputación de Pontevedra incrementa en máis dun 35% os recursos destinados ao deporte, que ascenden no 2026 a máis de 8,6 millóns de euros
15/11/2025
{"classPK":12970215,"groupId":"37861","name":"adquisicion_transporte_deportes.jpg","alt":"Incremento axudas DepoVan","title":"adquisicion_transporte_deportes.jpg","type":"document","uuid":"f9925839-27b9-057c-35b5-c714ce975fba","fileEntryId":"12970215","resourcePrimKey":"13635653"}
Luisa Sánchez anuncia que a Deputación duplicará o presuposto para axudar aos clubs deportivos na compra de vehículos ante o “éxito” do programa DepoVAN
28/09/2025