MARÍA LUISA BALAGUER

Profesora de Dereito Constitucional nas facultades de Dereito e de Xornalismo da Universidade de Málaga (UMA). Desde 1977 foi avogada en exercicio polo Ilustre Colexio de Avogados de Málaga, como letrada exercente ata 2003 e como non exercente ata 2017. O 8 de marzo de 1999 obtivo a Cátedra de Dereito Constitucional da UMA. Dirixiu a revista Artículo 14, una Perspectiva de Género, editada polo Instituto Andaluz da Muller en colaboración coa UMA, desde 1990 ata 2005.

Dirixiu catro teses de doutoramento na área de dereito constitucional sobre a garantía institucional da autonomía local, a moción de censura, a igualdade e a muller no dereito europeo, e a cuestión de inconstitucionalidade.

En outubro de 2002 dirixiu as Xornadas de Dereito Parlamentario organizadas polo Parlamento de Andalucía en Málaga sobre a conmemoración do XX aniversario da aprobación do seu estatuto de autonomía e en outubro do ano seguinte, o Congreso Internacional de Dereito Constitucional, conmemorativo do XXV aniversario da promulgación da Constitución española, na UMA en colaboración coa Deputación Provincial. Foi secretaria do Consello Asesor da Presidencia da Junta de Andalucía para a reforma do Estatuto de Autonomía de Andalucía, e conselleira permanente do Consello Consultivo de Andalucía desde maio de 2005 ata marzo de 2017, cando tomou posesión como maxistrada do Tribunal Constitucional do Estado español a proposta do Senado.

Recentemente, presentou a súa candidatura para a Presidencia do Tribunal Constitucional.

CARMEN QUINTEIRO

Lectora desde que recorda, non comezou a escribir ata 2008, primeiro como forma de desafogo vital e despois como xeito de acompañar o que vive, sente, descobre, esquece e aprende. Poemas, microrrelatos, relatos curtos e aforismos compoñen o abano do que explorou a nivel literario ata o de agora e pensa que iso non será todo mentres quede papel e día a día para deixalo por escrito. Profesora do CEIP A Xunqueira, acadou o cuarto posto no certame Mellor Docente de España 2020, proposta ao premio polas familias do seu propio alumnado. Cunha traxectoria de sobra coñecida, é mestra desde hai máis de dúas décadas; aposta pola educación emocional, por fomentar o pensamento crítico e por acercarse á natureza e á arte máis que aos tradicionais libros de texto. Pioneira na inclusión, traballou nun proxecto de lingua de signos que comezou como plan de integración dunha alumna xorda. Recibiu o Premio Galega Destacada