Esgotadas as prazas para os cursos da Escola de Letras que impartirán Diego Giráldez e Anna Figueiredo

Os obradoiros, para os que tamén se abriu unha ampla lista de agarda, celebraranse a partir de setembro nas sedes da Deputación en Vigo e Pontevedra

02/08/2022

Escola de letras

Nunha soa xornada esgotáronse este pasado luns as prazas para os dous novos obradoiros da Escola de Letras da Deputación de Pontevedra e a Editorial Galaxia que se celebrarán a partir de setembro, impartidos polos docentes Diego Giráldez e Anna Figueiredo en Vigo e Pontevedra. Para ambos hai tamén unha ampla lista de agarda, para o caso en que se produzan baixas.

O obradoiro literario que ofrecerá Diego Giráldez terá 5 sesións (os días 13, 20 e 27 de setembro e 4 e 11 de outubro) e celebrarase na sede da Deputación en Vigo en horario de 18 a 20 horas, mentres que o obradoiro de Anna Figueiredo celebrarase no Edificio Administrativo da Deputación en Pontevedra os días 19 e 26 de setembro; 3, 10, 17 e 24 de outubro e 7 e 14 de novembro de 19 a 21 horas e leva por título “Escribir, xéneros, técnicas, temáticas”.

Por outra banda, en setembro abrirase a inscrición para o derradeiro dos obradoiros previstos neste 2022, que ofrecerá a autora Elvira Ribeiro en Pontevedra e que terá lugar en outubro, os días 18 e 25. A Escola de Letras da Deputación e a Editorial Galaxia, pioneira en Galicia e unha das escasas a nivel estatal, arrancou no ano 2020 co obxectivo de fomentar o talento na provincia e xerar un espazo de encontro entre autoras e autores consagrados e persoas amantes da literatura galega, a través dun abano de obradoiros que abarcan a novela, o relato ou a poesía, para todos os públicos. Neste 2022 ofertáronse un total de seis obradoiros e xa se celebraron os tres primeiros, dous impartidos por Inma López Silva (un en Vigo e outro en Pontevedra) e un por Antonio García Teijeiro en Vigo.

Noticias relacionadas

 
		A Sede da Deputación en Vigo acolle as xornadas de Xuízas e Xuíces Para a Democracia centradas na protección das persoas consumidoras

A Sede da Deputación en Vigo acolle as xornadas de Xuízas e Xuíces Para a Democracia centradas na protección das persoas consumidoras

O deputado Carlos López Font destaca a importancia de “protexer os dereitos desde unha visión integral” e reafirma a aposta da institución provincial pola igualdade

 
		Esgotadas as prazas do último obradoiro do ano da Escola de Letras, que impartirá Elvira Ribeiro

Esgotadas as prazas do último obradoiro do ano da Escola de Letras, que impartirá Elvira Ribeiro

A autora ofrecerá un taller de poesía titulado “Onde nace o poema” en Pontevedra os días 18 e 25 do vindeiro mes de outubro

 
		A Escola de Letras abre o próximo luns as inscricións para o último obradoiro deste ano impartido por Elvira Ribeiro

A Escola de Letras abre o próximo luns as inscricións para o último obradoiro deste ano impartido por Elvira Ribeiro

Este mes a Escola da Deputación e Galaxia retoma a súa actividade co inicio dos talleres literarios en Vigo e Pontevedra, con Diego Giráldez e Anna Figueiredo

— 3 Resultados por página
Mostrando el intervalo 1 - 3 de 8 resultados.