A Deputación de Pontevedra, a través de SmartPeme, oferta esta próxima semana tres novas accións formativas mixtas impartidas de xeito online e presencial, enmarcadas nas súa carteira de obradoiros. As accións tratarán temas como a fabricación dixital coa ferramenta Onshape, redes sociais para establecementos turísticos e ciberseguridade.

O martes 12 e o xoves 14 de xullo, o encargado de dirixir os obradoiros será Manuel Freire, esperto universitario en Robótica, Programación e Impresión 3D. O primeiro, “Fabricación dixital. Debuxo con Onshapre VIII – Proxecto final ll” ten como obxectivo completar a formación das actividades anteriores e dar a coñecer as tecnoloxías implicadas no proceso de fabricación dixital. Este taller costa de 50 horas de duración e inclúese no formato mixto, que combina formación en liña (30 horas) e prácticas presenciais no Fab Lab (20 horas) do Centro Provincial de Economía Dixital no Viveiro de Empresas de Barro. O segundo, o xoves as 12.ooh, tratará sobre “Ciberseguridade, o que non se ve da navegación na Internet” e falará sobre os riscos aos que estamos expostos ao navegar por esta rede. A dixitalización, a crise sanitaria e a actual guerra son o campo de batalla perfecto para que os ciberdelincuentes despreguen todo o seu potencial delitouso, polo que é importante ser coñecedores deste tipo de riscos.

O mércores 13, pola mañá, Patricia Cabaleiro, posgraduada en Turismo pola Universidade de Santiago de Compostela, conducirá o taller “Redes sociais para establecementos turísticos” e nel dará a coñecer as vantaxes e inconvenientes de usar redes sociais como estratexia para captar clientes para o teu negocio. Tamén aconsellará de como e cando se deben usar cada unha das redes sociais segundo o noso público obxectivo.