Palmeiral do pazo de Castrelos
- Familia: Arecaceae
- Concello: Vigo
- Parroquia: Santa María de Castrelos
- Lugar: pazo de Castrelos
- Coordenadas UTM (X;Y, ETRS 89 FUSO 29): 29T522446; 4673387
- Coordenadas Google: 42.21232928355171, -8.728063660909466
No pazo de Castrelos (Vigo), con xardíns creados probablemente por unha firma portuguesa de xardinería cara a 1890, atópase a mellor colección de palmeiras monumentais de Galicia, aínda que ningunha delas está catalogada como árbore senlleira. No recinto encontramos varios exemplares que superan o século de existencia, coma a butia (Butia odorata), a livistona (Livistona australis), as palmeiras canarias (Phoenix canariensis), a palmeira do Senegal (Phoenix reclinata) ou os falsos palmitos (Trachycarpus fortunei), acompañadas dalgunhas de plantación máis recente, coma as palmeiras datileiras (Phoenix dactylifera), a palmeira da raíña (Syagrus romanzoffiana), a palmeira alexandra ou real australiana (Archontophoenix alexandrae), a kentia (Howea forsteriana), a palmeira datileira anana (Phoenix roebelenii), a palmeira de abano mexicana (Washingtonia robusta) e o seu híbrido coa palmeira de abano californiana (W. filifera), de nome científico Washingtonia x filibusta.
| Nome do exemplar | Especie |
Altura total (m) |
Idade (anos) |
|---|---|---|---|
| Butias brasileiras olorosas | Butia odorata (Barb. Rodr.) Noblick | 7,90 | 140 |
| Livistonia austral | Livistona australis (R. Br.) Mart. | 13,10 | 70 |
| Palmeira canaria | Phoenix canariensis Chabaud | 14,20 | 120 |
| Palmeira do Senegal | Phoenix reclinata Jacq. | 9,20 | 140 |
| Falso palmito | Trachycarpus fortunei (Hook.) H. Wendl. | 13,10 e 11,80 | 140 |
