A Deputación de Pontevedra levará ata Ponteareas a que será a sexta xornada de convivencia do programa +Convivir do período 2026/2027, tralo seu paso por Cangas de Morrazo, Poio, As Neves, Marín e Agolada. A cita terá lugar este sábado 24 de outubro, a partir das 16:30 horas, no Complexo Deportivo Álvaro Pino, ata onde se desprazarán centos de persoas procedentes do movemento asociativo e veciñal da vila.

+Convivir trátase dunha iniciativa provincial para tecer lazos e crear espazos de encontro, así como avanzar no fortalecemento das relacións entre a Deputación de Pontevedra e o movemento asociativo e veciñal da provincia. Deste xeito, en Ponteareas terá lugar un obradoiro sobre o alzheimer a cargo de AFAGA, outro de risorerapia da man de Mónica Novas, unha actividade de baile e body gump e rematará cunha merenda dinamizada cun DJ.

Entre este ano e o próximo +Convivir chegará a arredor dunha trintena de concellos despois de concentrar a máis de 10.000 persoas nas dúas anteriores edicións. Ademais de Ponteareas, Agolada, Marín, As Neves, Cangas de Morrazo e Poio, está previsto que este ano o programa chegue tamén á Estrada, Meaño, Vilaboa, Salvaterra de Miño e Valga.