A vicepresidenta da Deputación de Pontevedra, Luisa Sánchez, participou este sábado nas VIII Olimpíadas Escolares de Teis, un encontro lúdico e non competitivo que reuniu a 160 nenas e nenos procedentes de seis centros educativos do barrio. No acto de inauguración, que contou coa actuación do coro de Son das Flores, a representante provincial destacou a importancia de fomentar valores como a convivencia, o respecto e o compañeirismo a través do xogo e do deporte desde idades temperás. A xornada, organizada polas ANPA, desenvolveuse nas instalacións do IES de Teis e no pavillón do barrio, onde Luisa Sánchez acompañou aos participantes durante as actividades.

Galerias de imaxes