O vicepresidente da Deputación de Pontevedra, Rafa Domínguez, asistiu este mércores á mesa informativa instalada por ADICAM, a Asociación de Diagnosticadas de Cancro de Mama e Xinecolóxico, na Praza da Peregrina de Pontevedra co gallo do Día Internacional do Cancro de Mama que terá lugar o próximo día 19. O vicepresidente provincial puido informarse de primeira man das iniciativas impulsadas polo colectivo, como o programa “Seguimos camiñando en rosa”, que recibe habitualmente recursos da institución provincial na súa liña de axudas para actuacións no ámbito social.