A quen vai dirixido?

Poderán beneficiarse destas subvencións as entidades de iniciativa social sen fins de lucro situadas en calquera municipio da provincia de Pontevedra e que cumpran os requisitos establecidos nas bases.

Que gastos son subvencionables e cal é o financiamento?

Serán subvencionables as seguintes actuacións:

• Execución de obras de mellora da accesibilidade nas instalacións das entidades solicitantes.
• Redacción da memoria técnica do proxecto, en caso de ser indispensable desde o punto de vista legal para executar a obra.
• Adquisición de sistemas de comunicación que permitan a accesibilidade e a inclusión das persoas beneficiarias nas actividades da vida diaria.
• Adquisición de axudas técnicas relacionadas coa mobilidade e co coidado persoal.

Cada solicitude poderá conter un ou varios dos gastos subvencionables dos descritos anteriormente.

O importe máximo da subvención para cada solicitude non poderá exceder do 80 % do seu orzamento nin da cantidade de dez mil euros (10.000 €).

Presentación de solicitudes

As solicitudes presentaranse obrigatoriamente a través da Sede electrónica da Deputación de Pontevedra no prazo dun (1) mes, contado a partir do día da publicación da convocatoria no Boletín Oficial da Provincia de Pontevedra e na Base de datos Nacional de Subvencións.

Vídeo promocional