A Deputación de Pontevedra estrea este venres 18 de setembro unha nova edición do programa provincial +Convivir en Cangas de Morrazo. O adro da igrexa de Santa María de Darbo será o escenario a partir das 16:30 horas desta xornada lúdica e formativa dirixida ao movemento veciñal á que asistirán o presidente da Deputación, Luis López, e o vicepresidente Rafa Domínguez, así como o deputado Javier Tourís.

A xornada que se celebrará este venres en Cangas de Morrazo prevé sumar a asistencia de centos de persoas que desfrutarán dun obradoiro de primeiros auxilios da man de Manuel Viso, douto de risoterapia a cargo de Mónica Novas e dunha actividade de ximnasia de mantemento a cargo de Toni Garrido. Pecharase o programa +Convivir en Cangas de Morrazo cunha merenda dinamizada con música dun DJ.

O programa +Convivir, que chegará a arredor dunha trintena de concellos entre este ano e o próximo, concentrou a máis de 10.000 persoas nas dúas anteriores edicións. Neste 2026 desenvolveranse xornadas en Poio, As Neves, Marín, Rodeiro, Ponteareas, A Estrada, Meaño, Vilaboa, Salvaterra de Miño e Valga e continuará con novas citas no 2027.