Está destinado a persoas emprendedoras, persoas autónomas e pemes

Está formado por un equipo de 19 persoas, das cales 11 prestan servizos de asesoramento e formación.

• Asesoramento. Sesións personalizadas e individuais con cada empresa onde se traballan as súas necesidades relacionadas coa transformación dixital, a competitividade, etc.
• Actividades de capacitación. Permiten ampliar os coñecementos sobre unha ferramenta, materia ou temática concreta mediante formacións presenciais, webinarios, actividades de networking, etc.
• Actividades e eventos de divulgación. Para dar a coñecer novas tendencias e solucións organízanse periodicamente almorzos de traballo, xornadas, demostracións de solucións ou retos de innovación, entre outros.

Horarios 

Atención a persoas autónomas, emprendedoras e pemes

• Horario de inverno: de luns a venres, de 10.00 a 14.30 h e de 16.00 a 19.00 h
• Horario de verán (agosto): de luns a venres, de 9.00 a 14.30 h

Localización

Carteiras

O servizo de SmartPeme  está dividido en carteiras específicas como TurisTIC, enfocada ao sector turístico; as carteiras de Terceiro Sector, de Comercio e de Impulsa, vinculadas a temas de competitividade e crecemento empresarial; ou o Centro Provincial de Economía Dixital, situado en Barro, que, grazas ao apoio do FabLab da Deputación, presta asesoramento e formación en temáticas dixitais máis innovadoras, coma a fabricación dixital, a intelixencia artificial ou a robótica.

Ademais, para seguir impulsando o servizo, deseñáronse novas carteiras específicas aliñadas cos obxectivos da Deputación e atendendo no 2022 especialmente ás directrices do Goberno de España e da Comisión Europea, ligadas ás necesidades do tecido empresarial da provincia de Pontevedra.

• Administración electrónica. Estase comezando a prestar formación e asesoramento en temáticas vinculadas coa dixitalización das administracións públicas e a relación das pemes con estas, tratando temas como o certificado dixital, DNI electrónico ou a facturación electrónica.
• Ciberseguridade. A raíz do crecente aumento dos ciberataques e a dixitalización do tecido empresarial, así como as prioridades do Plan España Pode en reforzar a ciberseguridade das pemes, xorde a necesidade de crear un servizo específico que fortaleza a capacitación e sensibilización das empresas para previr, detectar e defenderse ante as ciberameazas.
• Emprendemento. Trátase dun dos servizos máis demandados polas e polos novos usuarios que acoden a SmartPeme  cunha idea de emprendemento. Exponse como un servizo englobado na carteira de Impulsa, enfocado a sentar as bases do proxecto, facilitándolles toda a información relativa á creación do negocio e a viabilidade económico-financeira, e que estaría moi aliñado coas accións desenvolvidas no coworking de Barro e os viveiros.
• Igualdade. Contemplada como unha temática dentro do servizo actual de SmartPeme  Impulsa, busca promover o asesoramento para a creación de plans de igualdade, o impulso de accións de igualdade nas pemes ou potenciar o liderado feminino mediante o desenvolvemento de accións específicas dirixidas ás mulleres emprendedoras e profesionais da provincia, potenciando o talento feminino e a igualdade, un dos piares fundamentais da Deputación de Pontevedra.
• Transición ecolóxica. Do mesmo xeito que as dúas carteiras anteriores, desenvolverase unha liña de asesoramento e accións de capacitación específicas —sobre cuestións clave para o desenvolvemento do tecido empresarial e a recuperación da crise— coma a economía circular, a sustentabilidade ou os ODS, que lles axude a adaptarse e alcanzar de forma local estes obxectivos prioritarios para a Deputación de Pontevedra, o Goberno de España e a Comisión Europea.

Actuacións

• Programa TurisTIC  
• Programas de Apoio ao Emprendemento, Crecemento Empresarial e Innovación, realizadas en colaboración coa Fundación Roberto Rivas 2022
  • I Programa de Emprendimento de Barro
  • I Programa de Crecemento Empresarial de Lalín
  • I Aceleradora Multisectorial de Empresas SmartPeme
  • V Aceleradora Empresas do Sector Turístico
  • II Concurso Desenvolvemento de Solucións Innovadoras a Retos
  • Resolución dos premios das accións do Programas de Apoio ao Emprendemento 2022
• Premios anuais ao emprendemento da provincia de Pontevedra
  • Resolución dos premios 2022