O vicepresidente da Deputación de Pontevedra, Rafa Domínguez, acaba de participar no acto de presentación do Campionato de España por Comunidades Autónomas da Real Federación Española de Salvamento e Socorrismo que terá lugar entre o 26 e o 28 de setembro no Complexo Deportivo Rías do Sur, en Pontevedra, e na praia de Silgar, en Sanxenxo. “Tres xornadas nas que a provincia converterase no epicentro dos amantes do deporte en xeral e do salvamento e socorrismo en particular”, subliñou Domínguez.

Para o vicepresidente, “somos a provincia do deporte, contamos con instalacións deportivas e unha contorna natural de primeiro nivel para o desenvolvemento de calquera proba deportiva”. Ademais, Domínguez subliñou a importancia de eventos como este, “auténticos escaparates que dan visibilidade ao territorio e dinamizan a economía da contorna na que se desenvolven”.