O presidente da Deputación de Pontevedra, Luis López, recibiu este martes no Pazo provincial ao presidente da Asociación de Venezolanos en Pontevedra (Asovedra), Manuel Osorio Lozano, co obxectivo de coñecer os proxectos que esta entidade ten en marcha, explorar posibles vías de colaboración e amosar o compromiso da Deputación co pobo venezolano. Neste sentido, o mandatario provincial salientou o labor que esta entidade está a realizar para facilitar a integración das persoas venezolanas na provincia, así como para fomentar a súa empregabilidade.