Os concellos puideron escoller de entre un pequeno catálogo que incluía filmes de produción galega ou rodados na comunidade, así como títulos de animación estreados nos últimos anos. Con esta actividade o público poderá gozar dunha xornada de cinema en familia ou con amizades nunha pantalla de gran formato nas prazas da súa localidade, ou en espazos a cuberto se o tempo non acompaña, na que non faltarán nin as súas personaxes favoritas nin os flocos de millo. Que mellor que un final de verán de cine!