A Deputación de Pontevedra acaba de aprobar unha achega por valor de preto de 50.000 euros para que o Concello de Mondariz Balneario faga fronte á rehabilitación do pío de Fial e da contorna deste lavadoiro, situada no lugar do Pazo. Trátanse de recursos do Plan +Provincia que este ano destina ao concello preto de 550.000 euros, ao sumar 322.000 euros do 2026 e o adianto de preto de 225.000 da liña de investimentos do 2027.

Cos recursos provinciais, limparanse os muros de pedra do pío mediante cepillado manual con auga e cepillo brando de raíces. Desmontarase tamén a súa cuberta e retiraranse as placas de fibrocemento con amianto, así como a estrutura de madeira para executar unha nova do mesmo material con tratamento contra fungos e insectos. Colocarase ademais unha nova cuberta con tellas cerámicas.

Ademais, limparse o terreo da contorna situada cerca do pío e da marquesiña e executarase unha rede de alumeado para iluminar este elemento, con dous proxectores con luces led. Completarase a actuación repoñendo o pavimento deteriorado, por un continuo de formigón, e repararanse as superficies de formigón deterioradas do conxunto.