Arrancan os campamentos de “Depo Aventura” na Lanzada. Desde este domingo, 25 de xuño, e ata o sábado 1 de xullo, 140 nenas e nenos participarán na primeira das once quendas,  cada unha dunha duración de sete días, que se desenvolverán ao longo do verán a través deste programa da Deputación de Pontevedra, que ofrece á rapazada múltiples actividades lúdicas e formativas para o seu enriquecemento persoal e tamén de coñecemento de lugares fóra da contorna habitual. En total, serán 1.540 menores de 58 concellos da provincia os que participen ata o 9 de setembro.

Neste primeiro campamento, que arranca o domingo, participan 70 nenas e 70 nenos de 36 concellos, todos eles nados entre os anos 2010 e 2015. En concreto, proceden de Pontevedra (21); Vigo (21); Vilagarcía (9); Lalín (7); Redondela (6); Gondomar (6); Moaña (4); Fornelos (4); Meis (4); Caldas de Reis (3); Ponte Caldelas (4): Cangas (4); Mos (3); Salvaterra (3);  Cambados (3); As Neves (3); Tui (3); Ribadumia (3); Portas (2); Oia (2); Meaño (2); Cerdedo-Cotobade (2); Soutomaior (2); Poio (2); Pazos de Borbén (2); Campo Lameiro (2); O Grove (2); Bueu (2); O Porriño (2); Marín (1); Cuntis (1); Vilanova (1); A Guarda (1); Valga (1); Nigrán (1) e Baiona (1).  

Baixo o nome “A Lanzada, un paseo pola historia”, a Deputación ofrécelles ás nenas e nenos en cada unha das quendas dos campamentos un programa de actividades destinado a favorecer a igualdade de xénero, a inclusión, a aprendizaxe da lingua inglesa, a arte, a cultura, a ciencia, o deporte, a inclusión, a lingua de signos, o respecto e o coñecemento da natureza e a dinamización e coñecemento multicultural da contorna. Tamén realizarán o tradicional obradoiro para elixir a mascota oficial deste programa provincial e, entre as moitas iniciativas programadas no marco de Depo Aventura 2023, inclúese unha visita á Illa de Ons e unha segunda excursión relacionada coa natureza e o coidado do medio ambiente.

Da cifra total de 1540 prazas, 1.409 adxudicáronse polo procedemento xeral a través do sorteo e as restantes 131 foron reservadas para menores en risco de exclusión social, das cales 54 corresponderon aos concellos, 29 ao alumnado do Centro Príncipe Felipe e 48 a menores en situación de tutela e garda administrativa doutros centros da provincia. Os nenos e as nenas que participarán este verán proceden de 58 concellos. A maioría son de Vigo (335) e Pontevedra (154). Outros concellos con grande asistencia son Vilagarcía (79), Redondela (45), Ponteareas, O Porriño, A Estrada, Lalín, Marín, Cangas, (estes con 44). Destacan tamén Poio (25), Nigrán e Gondomar (24), Baiona e Tui (23), Sanxenxo (22) e 20 son do Grove, A Guarda, Mos, Salvaterra, Moaña ou Cambados.