Mellora da xestión da auga no ámbito rural da provincia de Pontevedra a través do empoderamento, apoio e posta en valor das Comunidades de Usuarios de Auga

• Acronimo:

  +AQUA Comunidades de Auga

• Programa:

  Subvencións destinadas a accións para o impulso da Axenda 2030 nas Entidades Locais

• Convocatoria:

  Convocatoria 2024 do Ministerio de Dereitos Sociais, Consumo e Axenda 2030

• Fondos:

• Órgano responsable:

  Cooperación

• Socios:

  Deputación de Pontevedra (proxecto individual, sen socios executores).

A provincia de Pontevedra conta con centos de Comunidades de Usuarios de Auga que xestionan de forma colectiva o abastecemento en moitas zonas rurais. Estas entidades desempeñan un papel esencial para garantir o acceso a unha auga de calidade e avanzar nos obxectivos de desenvolvemento sostible vinculados á protección dos recursos hídricos. O proxecto +AQUA nace para reforzar o seu papel mediante a creación dunha oficina técnica especializada que prestará apoio á legalización, tecnificación e profesionalización das comunidades. Ademais, desenvolveranse xornadas de formación e intercambio de experiencias nas dez comarcas da provincia, crearase un Observatorio da Xestión da Auga no Ámbito Rural, elaborarase un Libro Branco de boas prácticas e impulsarase un programa de sensibilización cidadá a través de actividades educativas e recoñecementos ás iniciativas máis innovadoras. A actuación permitirá fortalecer a gobernanza comunitaria da auga, mellorar a calidade dos servizos prestados ás persoas usuarias, favorecer a adaptación ao cambio climático e poñer en valor un modelo tradicional de xestión colectiva que constitúe un elemento diferencial do medio rural pontevedrés.