#ADepoCoAudiovisual
Encontro Luso-Galaico
de festivais audiovisuais
17 e 18 de xuño de 2022
Pazo provincial. Deputación de Pontevedra
O encontro conta con servizos de interpretación en lingua de signos
Xornada presencial, retransmitida en directo vía streaming:
Pontevedra é unha das provincias que máis festivais audiovisuais achega ao circuíto galego. Nove deses festivais conforman o Rías Baixas Film Fest, unha marca distintiva de prestixio, creada pola Deputación de Pontevedra co obxectivo de identificar, aglutinar e apoiar o desenvolvemento dos festivais organizados na nosa provincia. A diversidade de propostas revela a riqueza editorial e estética que caracteriza os devanditos proxectos.
Eses festivais forman parte de PROXECTA, coordinadora que promove a defensa e a socialización duns proxectos cunha achega ao tecido cultural e socio-económico da nosa provincia e comunidade xa incuestionable: pois os festivais estimulan a interacción social, facilitan o intercambio experiencial, promoven unha difusión cultural integral, promocionan as principais virtudes daqueles municipios onde teñen lugar e internacionalizan as súas propostas.
Mais para que todo isto se produza é preciso o concurso das administracións públicas e de axentes de diversa natureza: institucións, asociacións, centros de formación, profesionais de diversa índole e procedencia xeográfica, patrocinadores… Sen a súa participación o deseño e formalización dos festivais sería inviable.
Partindo deste contexto, e tendo en conta a secular relación entre a nosa provincia e Portugal, un país con algúns dos festivais audiovisuais máis relevantes, coherentes e vangardistas de Europa, a Deputación de Pontevedra, coa colaboración de PROXECTA, propón a realización duns encontros luso-galaicos nos que participarán a maior parte das e dos axentes implicados na xénese, desenvolvemento e formalización dos festivais que se realizan a un lado e outro do Miño.
Cuestións coma o financiamento por parte das diversas administracións, a relevancia das institucións provinciais na socialización dos festivais, a importancia dos certames na promoción da formación e na divulgación da creatividade, a transcendencia da diversidade editorial dos festivais, a procura da igualdade e da sustentabilidade de maneira transversal, as súas contribucións ao tecido socio-económico dos concellos, as políticas de internacionalización e moitos outros aspectos trataranse nuns encontros que aspiran á xeración de sinerxías que permitan transcender os límites fronteirizos e que posibiliten unha real e frutífera interacción entre os festivais, as institucións e os diversos axentes e actores que operan en ambos os territorios.
OBXECTIVOS
- Estimular as relacións entre as administracións luso-galaicas
- Coñecer de primeira man as estruturas, funcións e competencias das administracións luso-galaicas
- Promover a interacción entre axentes sociais, culturais, administrativos e económicos de ambos os territorios
- Compartir experiencias e contrastar modelos de xestión e desenvolvemento cultural no eido do audiovisual
- Contrastar as modalidades de patrocinio e o seu impacto e relevancia en cada territorio e a posibilidade de atraer patrocinadores de ambos os territorios
- Xerar sinerxías que posibiliten xermolar proxectos culturais interterritoriais
- Analizar a achega dos festivais de cinema á esfera cultural local e territorial
- Debater o futuro nos festivais e o rol da e do espectador na sociedade poscovid
PROGRAMA
VENRES 17 DE XUÑO
Mañá
APERTURA E BENVIDA
10:15
Salón de plenos
Interveñen:
Carmela Silva, presidenta da Deputación de Pontevedra
Manuel Pena, membro da xunta directiva de Proxecta
ENCONTRO 1
AS ADMINISTRACIÓNS E O DESENVOLVEMENTO DOS FESTIVAIS
10:30
Salón de plenos
Interveñen:
María del Carmen Ribeiro, técnica de Cultura do Concello do Porriño
Paula Cabaleiro, directora de Cultura da Deputación de Pontevedra
Daniel Maciel, director executivo da Asociación Ao Norte
Modera:
Gonzalo E. Veloso, director de INTERSECCIÓN. Festival de Arte Audiovisual Contemporánea
ENCONTRO 2
UNHA TERRA DE CINEMA. OS RÍAS BAIXAS FILM FEST
12:30
Salón de plenos
Interveñen:
Carmela Silva, presidenta da Deputación de Pontevedra
Miriam P. Álvarez, subdirectora do GFFF (Galician Freaky Film Festival)
Manuel Pena, director do FICBUEU (Festival Internacional de Cinema de Bueu)
Teresa Berberena, codirectora do Festival de Cinema Inclusivo de Vigo
Modera:
Belén López, xornalista do Diario de Pontevedra
Tarde
ENCONTRO 3
FESTIVAIS DE CINEMA. AXENTES IMPLICADOS
17:00
Salón de plenos
Interveñen:
Miguel Días, responsable da Agência da Curta Metragem
Paulino Pérez, representante da FSCSC (Facultade de Ciencias Sociais e da Comunicación), da Universidade de Vigo
José Quinta Ferreira, representante da ESMAD (Escola Superior de Media Artes e Design)
Noemí Chantada, vicepresidenta de CREA (Asociación de Profesionais da Dirección e Realización)
Modera:
María Ruíz-Falcó, responsable de produción do FICBUEU (Festival Internacional de Cinema de Bueu)
ACCIÓN ESCÉNICA COMO PECHE DA XORNADA:
19:00
Vestíbulo de entrada
Por Mercé de Rande e Juanma Lodo
SÁBADO 18 DE XUÑO
Mañá
ENCONTRO 4
A DIVERSIDADE EDITORIAL
10:30
Salón de plenos
Interveñen:
Dario Oliveira, director do PORTO/POST/DOC Film & Media Festival
Nuno Rodrigues, director do Curtas Vila do Conde
Alfonso Pato, director do Festival de Cans
Johnny Marques, coordinador da Comisión Artística e de Programación de CINANIMA (Festival Internacional de Cinema de Animação de Espinho)
Ana Gontad, directora de programación do Festival Primavera do Cine en Vigo. Festival de Cine Galego e Lusófono
Modera:
Severiano Casalderrey, programador en festivais e subdirector do FICBUEU (Festival Internacional de Cinema de Bueu)
ENCONTRO 5
EXPEDIENTE SITGES
12:00
Salón de plenos
Intervén:
Ángel Sala, responsable da dirección artística do Festival de Sitges
Modera:
Luís M. Rosales, director de Curtas. Festival do Imaxinario de Vilagarcía de Arousa
Coloquio con Ángel Sala
CLAUSURA DO ENCONTRO
14:00