Axenda de actividades provinciais

Mulleres en acción. Violencia Zero. Barro

11/10/2022 12:15
Nave da Música. Barro
Mulleres en acción. Violencia Zero

O programa "Mulleres en acción. Violencia zero" entendeu a emerxencia feminista e a urxencia cultural que demandaba o momento e, lonxe de parar, saíu á rúa con máis forza se cabe, levando nas súas pezas artísticas as problemáticas da situación actual: visibilizando, sensibilizando e implicando. E fixo activismo noutro senso non menos importante: mantivo o compromiso coas mulleres artistas. Nunha crise sen precedentes, que masacrou o sector cultural dun xeito ineludible, as mulleres creadoras víronse na estacada presenciando a caída, a cancelación e o aprazamento de case todos os seus proxectos culturais. Por iso, manter a axenda do programa (literalmente) tamén era poñer a axenda feminista no foco. Así, o programa volveuse flexible para poder acompañar as artistas, máis tamén as mulleres, na loita pola igualdade.

Información

Artista: Myriam González

Peza: Hoje venho falar de min

Lugar: Nave da Música. Barro

Hora: 12:15

Ver máis