MARÍA SOLIÑA
Símbolo dos abusos contra as mulleres
María Soliña foi unha muller de Cangas acusada de bruxería e xulgada ante o Tribunal da Inquisición, que a torturou cruelmente ata que confesou. Tiña xa 70 anos e non sobreviviu ao martirio. Os nobres que a denunciaron repartíronse as súas posesións co Santo Oficio en pleno declive económico da vila tras o ataque dos corsarios turcos. Coma miles de mulleres en Europa, Soliña foi vítima da caza de bruxas que a Igrexa e as oligarquías emprenderon para controlar as mulleres con poder. Bruxas podemos ser todas porque nós somos as netas daquelas que queimaron e das que non puideron queimar.
podcast
ROTEIRO
FALADOIRO AQUÍ FALTAN PÁXINAS
María Soliña “Símbolo dos abusos contra as mulleres”
Guillermina L. Domínguez Touriño
Santiago de Compostela, 1953
Estudou Filosofía e Letras na especialidade de Historia e dentro desta a etapa medieval (1970-1975) e fixo un mestrado na Universidade de Santiago de Compostela sobre educación, xénero e igualdade (1995-1998). Formou parte do colectivo María Castaña (Materiais didácticos para unha visión non androcéntrica da historia,Muller e traballo eAs mulleres na historia). Escribiu varias publicacións e traballos, entre os que citamos: Arte invisible, as mulleres na arte, obxecto e suxeito; Textos para a historia das mulleres en Galicia; Tres mulleres galegas de armas tomar: María Balteira, María Castaña e María Soliña; e outras separatas para a Deputación de Pontevedra.Logo de corenta e cinco anos como profesora segue a manter o espírito feminista que a levou a traballar neste eido.