Deputación de Pontevedra
En Nadal
tendamos pontes de agarimo, respecto e solidariedade
A Deputación de Pontevedra deseñou unha ampla axenda de actividades para este Nadal. Un ano máis, o Museo de Pontevedra e o castelo de Soutomaior serán o epicentro da programación, con actividades pensadas para todos os públicos e a incorporación de novidades con respecto a outros anos.
A actividade festiva comezou o venres 1 de decembro co acendido da iluminación no Pazo provincial, o Edificio Administrativo, o palacete das Mendoza, o Museo de Pontevedra e os castelos de Soutomaior e Sobroso, que suman un total de 250.000 luces.
Na ponte de decembro comezará a programación cultural propiamente dita, con visitas teatralizadas no castelo de Soutomaior os días 6,7, 8, 9 e 10 de decembro e dúas grandes novidades: un espectáculo de vídeo mapping na torre da homenaxe e un escape room na fortaleza.
O Museo de Pontevedra tamén prepara unha intensa axenda de actividades para este Nadal, con exposicións, recitais de música e danza, cinema e obradoiros de ilustración. Todas as actividades son de balde, pero algunhas requiren inscrición previa
Nadal no Museo de Pontevedra
- Exposición colectiva “Campo de sementes 2”. Edificio Castelao. Do 23 de novembro ao 28 de xaneiro
- Exposición “Mar e a pantasma das treboadas”, con ilustracións de Xavier Magalhães. Claustro do Edificio Sarmiento. Do 30 de novembro ao 7 de xaneiro
- III Gala de Lírica . Alumnado do Conservatorio Manuel Quiroga, Pontevedra. Martes 12 de decembro, ás 18:30 h
- Concerto de Nadal. Alumnado da Academia Gaia, Pontevedra. Venres 15 de decembro, ás 18:00 h
- Recital de danza clásica. Alumnado da ESDAC Vaganova, Pontevedra. Sábado 23 de decembro, ás 18:30 h
- Ciclo de cinema infantil: animación feita en Galicia. Os xoves e os venres do Nadal, ás 18:00 h
- Obradoiros de ilustración Ilustrando un Pasado Mítico. Do 26 ao 29 de decembro e do 2 ao 5 de xaneiro, de 11:30 h a 13:00 h
Máis información en www.museo.depo.gal
Nadal no castelo de Soutomaior
- Visitas teatralizadas
- O asedio ao castelo. Xogo de escapismo
- Espectáculo de video mapping. Gratuíto e sen límite de capacidade
Máis información e en www.castelodesoutomaior.com
As entradas pódense adquirir en: https://entradas.castelodesoutomaior.com/
Nadal na Sede de Vigo
- Exposición "Grandma". Sala Maruja Mallo. Do 21 de novembro de 2023 ao 10 de xaneiro de 2024
- Exposición "Un pequeño xardín. A metáfora dun mundo imaxinado". Sala Rosalía de Castro. Do 8 de novembro de 2023 ao 10 de xaneiro de 2024
Novas relacionadas
Luis López participa coas nenas e nenos do Centro Príncipe Felipe no escape room da programación de Nadal do castelo de Soutomaior
28/12/2023
O Museo inicia a súa programación de Nadal, con concertos, cine infantil, obradoiros, exposicións e unha postal conmemorativa
11/12/2023
Arrancan as visitas teatralizadas de Nadal ao castelo de Soutomaior coas 300 prazas esgotadas
05/12/2023