ANTONINA SANJURJO
Deporte e galeguidade
Durante a Segunda República española, o hóckey feminino en Galicia adiantou o masculino. Os equipos de hockeywomen eran moi populares e contaban cunha importante afección e con directivas conformadas por mulleres. Entre elas, destacou a viguesa Antonina Sanjurjo, un deses referentes que aínda non atopamos nos libros de historia, a pesar de ser pioneira do deporte galego, considerada “nai” do hóckey sobre herba en Galicia, e tamén profesional comprometida coa súa terra no plano político e laboral.
podcast
ROTEIRO
FALADOIRO AQUÍ FALTAN PÁXINAS
Antonina Sanjurjo “Deporte e galeguidade”
Cristina López Villar
A Coruña, 1974
Doutora en Ciencias da Actividade Física e o Deporte, licenciouse en Educación Física no ano 1998 e actualmente é vicerreitora de Igualdade, Cultura e Deporte na Universidade da Coruña; profesora na Facultade de Ciencias do Deporte e a Educación Física; e imparte, entre outras, as materias de Teoría de Historia da Actividade Física e o Deporte, e de Mulleres e Deporte. Anteriormente foi profesora na Universidade de Vigo e na Universidade de Zaragoza. Forma parte do equipo de investigación Educación, Saúde e Actividade Física: Estudos de Xénero (ESAFEX) e da rede internacional de investigación en historia das mulleres e o deporte, coa que participa en diferentes proxectos de investigación. Entre outras publicacións; é autora do libro Pioneiras do deporte en Galicia.