CONCEPCIÓN ARENAL
Unha humanista en loita contra as inxustizas
Durante moito tempo Concepción Arenal foi apenas lembrada por vestirse de home para asistir a unha universidade que aínda non permitía a entrada de mulleres. Mais detrás desa anécdota atopamos unha intelectual brillante e comprometida: escritora, pensadora, socióloga, xurista e activista… Unha muller de múltiples arestas, difícil de etiquetar, un referente esencial do pensamento reformista do século XIX e unha das mentes máis lúcidas e comprometidas da historia de España que loitou incansablemente para mellorar as condicións das persoas que a sociedade deixa nas marxes.
podcast
ROTEIRO
FALADOIRO AQUÍ FALTAN PÁXINAS
Concepción Arenal “Unha humanista en loita contra as inxustizas”
Anna Caballé
Ana María Caballé Masforroll (Hospitalet de Llobregat, 1954) é escritora, crítica literaria e profesora de Literatura Española da Universitat de Barcelona, onde tamén dirixe a Unidade de Estudos Biográficos. Presidenta honoraria da Biography Society e presidenta de ‘Clásicas y Modernas’. Ha publicado, entre outros, Narcisos de tinta. Ensaio sobre a literatura autobiográfica en lingua castelá (1939-1975) (1995); Mi vida es mía, en colaboración con Joana Bonet (Cinco ediciones, 2000); Francisco Umbral. El frío de una vida (2004); Una breve historia de la misoginia (2006), El bolso de Ana Karenina (2008); Carmen Laforet. Una mujer en fuga, en colaboración con Israel Rolón, polo que obtivo o Premio Gaziel de Biografías e Memorias 2009. Foi editora da Revista de Estudios Biográficos Memoria, entre 1996 y 2007 e profesora visitante das universidades Wszechnica Polska (Varsovia), University of Virginia (Estados Unidos) e Pontificia Universidade do Río Grande do Sul (PUCRS, Brasil). A súa liña de investigación é o estudo e a divulgación da escritura autobiográfica en lingua española. É colaboradora habitual do suplemento ABC Cultural e de outros medios de comunicación. En 2019 recibiu o Premio Nacional de Historia de España 2019 pola súa obra Concepción Arenal. La caminante y su sombra. O xurado escolleu esta obra “por reunir todos os requisitos de excelencia nunha obra de historia: novidade historiográfica e metodológica, pluralidade de fontes e un plantexamento científico e riguroso do estudio biográfico sobre unha personaxe aínda non suficientemente coñecida pero importante na historia de España”. En 2020, comisariou, xunto á catedrática Cristina Peñamarín, a exposición da Biblioteca Nacional de España Concepción Arenal. La pasión humanista (1820-1893).