SOFÍA NOVOA ORTIZ
Pianista, pedagoga e exiliada republicana
De familia republicana e socialista, a viguesa Sofía Novoa Ortiz foi unha brillante pianista e pedagoga que conviviu coa xeración do 27 e que chegou a colaborar con Alberti. A guerra obrigouna a exiliarse nos Estados Unidos, onde alcanzou o éxito que lle foi negado na súa terra. Após dar clase de español na Universidade de Columbia, asentouse definitivamente no prestixioso Vassar College, onde tivo como alumna a Jacqueline Kennedy e onde defendeu o valor transversal da música nas súas aulas de Literatura e Cultura Española. Na súa honra, a Deputación de Pontevedra creou os Premios Sofía Novoa para fomentar a perspectiva de xénero nos traballos de fin de máster e fin de grao da Universidade de Vigo.
podcast
ROTEIRO
FALADOIRO AQUÍ FALTAN PÁXINAS
Pianista, pedagoga e exiliada republicana
26 de decembro de 2023 as 19 h
Sede da Deputación de Pontevedra en Vigo
Relatora: Carmen Losada Gallego
Carmen Losada Gallego
Carmen Losada Gallego é pianista e profesora de música no Instituto Español Giner de los Ríos de Lisboa. En 2016 doutorouse pola Universidade de Santiago de Compostela coa tese Mujeres pianistas en Vigo. Del salón aristocrático a la Edad de Plata (1857-1936). Sofía Novoa, onde se estuda, por primeira vez en Galicia, a aparición de mulleres pianistas e o seu encaixe na sociedade burguesa de Vigo, desde Carolina Graña ata Sofía Novoa e América Otero. Sobre este tema publicou artigos, colaborou no libro Liberales, cultivadas y activas. Redes culturales, lazos de amistad e presentou relatorios en diversas ocasións. Conta con dous libros publicados polo Instituto de Estudos Vigueses arredor desta temática, Sofía Novoa Ortiz. Pianista, pedagoga y exiliada e Mujeres pianistas en Vigo. 1857-1936, este último presentado este mesmo ano.