Familia:Bignoniaceae

Planta rubideira perennifolia

Floración: de primavera a outono

Orixe: Australia e Malaisia

Porte: planta rubideira con tendencia arbustiva, formada por talos leñosos que poden alcanzar entre 5 e 6 m de altura

Follas: opostas imparipinnadas, de cor verde escura moi brillante, con 3 a 7 folíolos semicoriáceos ovado-lanceolados, de 2,5-5 x 1-2,5 cm, co ápice obtuso, de marxe lisa, aínda que pode ser dentada cando son novas

Froito: cápsula con forma de vaina, algo inflamada no centro, duns 8 a 10 cm de longo; maduración outonal; contén numerosas sementes

Flor: con forma tubular atrompetada, preséntanse en acios colgantes; son de cor branca ou rosada, coa base dos pétalos vermella ou rosa fucsia ou malva. Sutilmente perfumadas

Outros datos: enredadeira e rubideira que non se pode manter erguida por si mesma, senón que precisa unha base ou soporte que a axude a avanzar. Emprega gabiáns para aferrarse ás superficies. Ascende para recibir máis luz ou para atopar o lugar ideal para o seu desenvolvemento. A parte baixa, co tempo, vai quedando despoboada

Utilidades: emprégase para cubrir muros, valados ou pérgolas. Tamén se pode cultivar en grandes recipientes para adornar terrazas. A súa floración é longa, desde comezos da primavera ata principios do outono

Necesidades: prefire climas suaves, solos lixeiramente ácidos, fértiles e ben drenados. Recoméndase plantala en zonas protexidas do vento, xa que dana as flores, e tamén a súa exposición a pleno sol ou media sombra para mellorar a floración. Convén podar a planta tras a floración para darlle forma e robustecela. Non tolera ben as xeadas