#HaiMulleres

"Mulleres en acción: Violencia zero"

2022-2023

Artistas aliadas
Nós contra as violencias machistas
A nosa realidade como mulleres, 7 anos despois


En 2015 “Mulleres en acción. Violencia zero” nacía da necesidade de reivindicar a loita contra as violencias machistas desde a cultura e a arte. A violencia machista estaba a evidenciar a súa capacidade de mudar de formas e canles para permanecer na nosa sociedade e, o máis grave, para perpetuarse entre as novas xeracións. Sete anos despois, arrincamos a oitava edición deste programa que se fai máis necesario que nunca, co desenvolvemento de accións sensibilizadoras nun escenario que foi empeorando nos últimos tempos, co encrudecemento e o incremento das múltiples faces da violencia contra as mulleres, mais tamén coa emerxencia de novos e vellos discursos que negan esta realidade tan dramática.

Nesta situación tan desesperanzadora, “Mulleres en acción. Violencia zero” non se resigna e volve á rúa co fin de seguir mobilizando conciencias e de implicar a toda a cidadanía na revolución feminista cada vez máis urxente na procura de posibles saídas. Máis de 160 accións e centos de persoas implicadas ao longo destas edicións fan que sigamos crendo nas persoas e, sobre todo, na mocidade, como substrato para esta semente transformadora na loita para reivindicar a causa máis xusta: a igualdade de oportunidades entre mulleres e homes.

Para esta oitava edición, propoñemos manter os procesos participativos (recuperados recentemente tras a COVID-19), coa programación dalgunhas pezas con obradoiro previo, e recuperar precursoras do programa (artistas que fixeron emerxer e crecer #ViolenciaZero), ademais de xerar alianzas entre elas e con novas colaboradoras, para idear xuntas pezas inéditas con dúas funcións en dous concellos: Artistas aliadas.

E, ao mesmo tempo, propoñemos ocupar o espazo público de dous xeitos: de forma efémera, coas accións artísticas reivindicativas, e de forma permanente, con intervencións de arte urbana, para amosar que #HaiMulleres con gran talento en todas as disciplinas creativas e culturais. Performance, danza, música, teatro, muralismo, poesía e audiovisual danse a man para crear obras colaborativas e reivindicativas: dos nosos dereitos, do noso lugar no mundo.

Artistas aliadas. Mulleres aliadas

Aliadas coa igualdade, coa cultura como arma en prol dunha sociedade máis xusta.

Nós, aquí, contra as violencias machistas.

ARTISTAS 

ILUSTRADORAS 

Noticias relacionadas

 
		#25N unha espectacular performance para rachar co círculo das violencias machistas enche de acrobacias a Deputación cun berro ao “desprezable” negacionismo

#25N unha espectacular performance para rachar co círculo das violencias machistas enche de acrobacias a Deputación cun berro ao “desprezable” negacionismo

Carmela Silva: “Asasinar a mulleres é terrorismo de xénero e temos que seguir loitando cada día contra algo intolerable, que é que as mulleres estamos borradas dos dereitos humanos”

 
		A Deputación acende o motor do 25N en Pontevedra e Vigo co despregue das lonas que reivindican as “alianzas dende o feminismo”

A Deputación acende o motor do 25N en Pontevedra e Vigo co despregue das lonas que reivindican as “alianzas dende o feminismo”

A pancarta conmemorativa, que marca o arranque oficial da programación,  loce xa nas fachadas de ambos inmobles coa imaxe de tres mulleres unidas fronte ao negacionismo

 
		“Fronte ao negacionismo. Alianzas dende o feminismo” lema da Deputación para conmemorar o 25N

“Fronte ao negacionismo. Alianzas dende o feminismo” lema da Deputación para conmemorar o 25N

Carmela Silva: “Este ano, cando de novo volvemos a escoitar mensaxes negacionistas, imos traballar a carón de catro grandes alianzas fundamentais, dende a comunicación, a educación, a cultura e a investigación, para transformar a sociedade”

ODS NOS QUE TEN IMPACTO