Eixe 3. Apoio técnico en licitacións
Soporte para a avaliación das ofertas
Servizo de asesoramento especializado para avaliar as ofertas presentadas en procedementos de contratación de servizos e solucións tecnolóxicas. O obxectivo é garantir unha análise rigorosa e obxectiva que axude a seleccionar a proposta máis axeitada.
Beneficios
- Aumentar a seguridade xurídica e técnica do proceso de avaliación.
- Mellorar a transparencia e obxectividade.
- Reducir o traballo dos órganos de contratación.
- Favorecer a elección de solucións máis axeitadas.
Obxectivos
- Apoiar os concellos na análise técnica das ofertas recibidas.
- Garantir a aplicación rigorosa dos criterios establecidos nos pregos.
- Axilizar o proceso de avaliación.
Modelo de prestación
Servizo prestado de xeito directo pola propia Deputación.
Apoio proporcionado
- Estudo técnico das ofertas presentadas en función dos criterios establecidos.
- Elaboración de informes técnicos de avaliación.
- Aclaracións e asesoramento en caso de dúbidas sobre o contido das propostas.
- Participación en mesas de contratación como persoal asesor.
- Soporte na documentación do proceso para garantir trazabilidade e transparencia.
Normativa
Solicitude
De ter interese no servizo, deberá contactar coa OTAC a través do seguinte formulario.