#XUVENTUDE

Premios Provinciais á Xuventude

Promover o talento e o potencial da mocidade da provincia

A Deputación de Pontevedra lanza unha nova edición dos Premios Provinciais á Xuventude co ánimo de promover o talento e o potencial da mocidade da nosa provincia. A institución repartirá 32.000 euros entre os mellores proxectos que compitan nun total de dez categorías


A Deputación de Pontevedra pon en os Premios Provinciais á Xuventude a través do Servizo de Cohesión Social e Xuventude. O obxectivo destes galardóns é promover o talento da mocidade da provincia.

Estes premios anuais están dirixidos a mozas e mozos de idades comprendidas entre os 16 e os 35 anos e o seu fin é recoñecer a calidade dos traballos realizados nun total de dez categorías: iniciativa social, iniciativa empresarial, educación en valores, investigación, contido audiovisual, traballo musical, traballo literario breve, banda deseñada, fotografía orixinal e deseño e moda.

Na categoría de educación en valores permítese especificamente a concorrencia de proxectos de centros educativos nos que participase alumnado de entre 12 e 18 anos.

As persoas interesadas en participar teñen un prazo de dous meses para inscribirse. O prazo de inscrición será de dous meses e comezará a partir do día seguinte ao da publicación das bases. Unha vez validadas, a Deputación de Pontevedra abrirá un segundo prazo para presentar os proxectos que rematará o 15 de agosto.

Persoas galardoadas

Ligazóns de interese

Noticias relacionadas

 
		A Deputación convoca os VI Premios Provinciais á Xuventude e o III Concurso Reacción polo Clima para promover o talento da mocidade

A Deputación convoca os VI Premios Provinciais á Xuventude e o III Concurso Reacción polo Clima para promover o talento da mocidade

Este martes a institución abre o prazo para a presentación de traballos en ambos certames