#PontevedraProvincia
“DA TÚA MAN” E “COMMERCE INSIDE”
Plan de Recuperación, Transformación e Resiliencia
A Deputación de Pontevedra, en liña co Plan de Recuperación, Transformación e Resiliencia (PRTR), ten como un dos seus principais obxectivos, en materia de comercio, o desenvolvemento de mecanismos para situar de maneira eficiente o territorio, e xerar así unha maior competitividade no tecido empresarial da provincia. No ámbito do comercio, en tempos de pandemia e confinamento, os comercios de proximidade estiveron pechados ou sufriron importantes restricións de capacidade, o que lles provocou perdas económicas irrecuperables.
Deste xeito preténdese favorecer a creación, o desenvolvemento e a consolidación de negocios do sector do comercio polo miúdo na provincia de Pontevedra que permitan xerar riqueza e postos de traballo de calidade. E, por iso, tendo en conta as dúas convocatorias publicadas o 11 de setembro de 2021 polo Ministerio de Industria, Comercio e Turismo, a Deputación de Pontevedra presentou dous proxectos: “Commerce Inside”, dirixido a concellos turísticos, e “Da túa man”, destinado a municipios para apoiar os mercados, as zonas urbanas comerciais, o comercio non sedentario e canles curtas de comercialización.
Estes proxectos, aprobados no marco das citadas convocatorias, preséntanse coma un todo, coa finalidade de reactivar, impulsar, desenvolver e fortalecer o comercio local para dotalo das ferramentas necesarias para darlle resposta a unha contorna cambiante e aos novos retos competitivos pospandemia.
OBXECTIVO E ÁMBITO DE ACTUACIÓN
“COMMERCE INSIDE”: impulsar o comercio nas áreas turísticas co obxectivo de acelerar e aliñar o binomio comercio-turismo cara a un novo modelo máis sostible ambientalmente, diversificado e resiliente, co impulso de recursos e experiencias baseadas no cumprimento da normativa, na calidade do emprego, no respecto ao territorio e á biodiversidade e encadrados nas medidas de redución de emisións. As actuacións levaranse a cabo en dez municipios da provincia de Pontevedra: Baiona, Bueu, Tui, Soutomaior, Caldas de Reis, Nigrán, Sanxenxo, Cambados e O Grove.
“DA TÚA MAN”: propiciar os cambios necesarios para reactivar o comercio da man, tanto de comerciantes, coa posta en marcha medidas que axuden a modernizar e iniciar a transformación dixital dos seus negocios, coma da cidadanía de cada municipio beneficiario, onde as veciñas e os veciños deben xogar un papel protagonista no impulso dunha actividade esencial para a provincia. As actuacións levaranse a cabo en once municipios da provincia de Pontevedra: A Cañiza, Gondomar, Moaña, Meaño, Ponte Caldelas, O Rosal, Silleda, Salceda de Caselas , Tomiño, Poio e Ribadumia.
ACTUACIÓNS QUE SE VAN DESENVOLVER
“COMMERCE INSIDE”
- Investimentos na vía pública:
- Subministración e instalación de tótems interactivos que ofrezan información sobre os comercios, as asociacións comerciais e os diferentes atractivos turísticos.
- Habilitación de zonas de descanso axardinadas, deseñadas baixo a premisa de garantir a accesibilidade universal, próximas ás áreas comerciais de interese de cada municipio e con cargadores solares, asentos e iluminación, así como accións de ornamentación da vía pública.
- Deseño e instalación de sinalética corporativa para o comercio de proximidade.
- Dixitalización do sector comercial:
- Creación dunha plataforma de xestión de áreas comerciais, integrada coas de Tourist Inside, para darlle soporte ao modelo de servizos turísticos e comerciais da provincia de Pontevedra.
- Creación de contidos vinculados ao comercio en zonas turísticas, orientada ao desenvolvemento e creación de contidos que vinculen o turismo e o comercio, co obxecto de crear nova información que mellore a visibilidade dos comercios nos municipios asociados ao proxecto.
- Despregamento de puntos wifi en zonas comerciais para fortalecer a conectividade a internet.
- Sotibilidade e economía circular:
- Promoción de novos deseños de embalaxe para o comercio de proximidade como alternativa sostible e reutilizable á de plásticos ou papel, utilizando materiais compostables ou reciclados da propia actividade comercial e hidrosolubles.
- Instalación de illas ecolóxicas con catro contedores cada unha para o depósito de biorresiduos e cartón, utilizadas tamén como punto de información e sensibilización sobre o tratamento e reciclaxe de residuos.
- Formación:
- Curso en liña de inglés para comerciantes.
- Curso en liña de francés para comerciantes.
- Curso en liña de portugués para comerciantes.
“DA TÚA MAN”
- Transformación dixital:
- Desenvolvemento dun portal web e aplicación móbil para darlle visibilidade ao comercio local.
- Deseño e lanzamento de campañas de comunicación en soportes dixitais para promover a calidade, proximidade e confianza do mercado de proximidade.
- Desenvolvemento dunha plataforma de macrodatos para a información de tendencias do consumo municipal.
- Transformación do punto de venda:
- Instalación e subministración de puntos de recollida intelixentes, smart lockers, con dez ou vinte mobles clasificadores (segundo o número de habitantes de cada municipio).
- Instalación e subministración de zonas de descanso con cargadores solares, iluminación, mobiliario urbano e zonas axardinadas acondicionadas para o descanso.
- Sostibilidade e economía circular:
- Creación e promoción de novos deseños de embalaxe para o comercio de proximidade como alternativa sostible e reutilizable ao de plástico ou papel.
- Desenvolvemento dun sistema de recollida de pedidos de forma colaborativa localizado no portal web e a aplicación para impulsar os procesos de compra ou colaborativos.
- Instalación e subministración de illas ecolóxicas para a recollida e separación de residuos, con catro contedores por illa.
- Sensibilización e formación:
- Deseño e impartición do curso de competencias dixitais para comerciantes a través da plataforma Moodle.
- Deseño e impartición do curso de habilidades dixitais para persoas consumidoras vulnerables de forma presencial.
- Desenvolvemento e impartición do curso de deseño de novas embalaxes sostibles de forma presencial.
- Creación de sinalética integrada e aplicacións dixitais que faciliten información sobre a oferta comercial:
- Subministración e instalación de tótems ou mupins que faciliten información, tanto a visitantes coma a residentes.
- Deseño e implantación de sinalética corporativa para o comercio de proximidade.
DURACIÓN E PRAZO DE EXECUCIÓN DOS PROGRAMAS
12 meses (desde o 1 de xaneiro ata o 31 de decembro de 2022, con posibilidade de prórroga).
IMPORTE E FINANCIAMENTO DOS PROXECTOS
| Distribución da achega | “Commerce Inside” | “Da túa man” |
|---|---|---|
|
Achega do Ministerio |
768.145,00 € | 746.259,50 € |
| Achega da Deputación de Pontevedra (15 % orzamento financiable + IVE) | 395.046,00 € | 383.790,60 € |
| Achega dos concellos (15 % orzamento financiable) | 164.602,50 € | 159.912,75 € |
| TOTAL | 1.327.793,50 € | 1.289.962,85€ |
CAMPAÑA DE SENSIBILIZACIÓN AMBIENTAL
SENSIBILIZACIÓN E FORMACIÓN
"DA TÚA MAN"
- Deseño e impartición do curso de competencias dixitais para comerciantes a través da plataforma Moodle.
- Deseño e impartición do curso de habilidades dixitais para persoas consumidoras vulnerables de forma presencial.
- Desenvolvemento e impartición do curso de deseño de novas embalaxes sostibles de forma presencial.
- Bases (BOPPO 28/04/2023)
- Extractos (BOPPO 28/04/2023)
- Tramitación en sede.depo.gal
Presentación de solicitudes: o mércores 3 de maio de 2023 iníciase o prazo para inscribirse nas accións de sensibilización e formación do programa, que rematará cando estea cuberto o número total de persoas participantes
Actividades formativas. Prazo aberto
- Dixitaliza o Teu Negocio
- Dirixido a: comerciantes
- Modalidade: en liña
- Duración: 25 horas
- Datas: do 26 de xuño ao 26 de xullo de 2023
- Concellos participantes: Meaño, Silleda, Salceda de Caselas, Poio, O Rosal, Ponte Caldelas, Ribadumia, Tomiño, Gondomar, Moaña e A Cañiza.
- Habilidades Dixitais para Consumidores
- Dirixido a: consumidoras e consumidores maiores de 45 anos
- Concellos participantes e datas:
- A Cañiza. Aula CEMIT A Cañiza. 29 de xuño de 2023
- Gondomar. Centro de Desenvolvemento Local. 17 de xullo de 2023
- Moaña. Padroado Municipal Beiramar. 18 de xullo de 2023
- Poio. Centro de Formación da Reiboa. 3 de xullo de 2023
- Ponte Caldelas. Centro Cultural Público Municipal de Ponte Caldelas. 6 de xullo de 2023
- Ribadumia. Biblioteca municipal (Casa da Cultura). 10 de xullo de 2023
- O Rosal. Aula de informática da Escola-Obradoiro Juan Manuel Castro Martínez. 10 de xullo de 2023
- Silleda. Casa da Xuventude. 28 de xuño de 2023
- Tomiño. Escola-Obradoiro O Regatiño. 12 de xullo de 2023
- Deseño de Embalaxe Sostible
- Dirixido a: centros escolares
- Salceda de Caselas: CEP Altamira, 01/06/2023
- O Rosal: CPI Manuel Suárez Marquier, 05/06/2023
- Ribadumia: CPI Julia Becerra Malvar, 07/06/2023
- Poio: CEIP de Lourido, 12/06/2023
- Tomiño: CEIP Pintor Antonio Fernández, 13/06/2023
- Moaña: CEIP Plurilingüe Domaio, 14/06/2023
- Gondomar: CEP Xosé Neira Vilas, 19/06/2023
- A Cañiza: CPI A Cañiza, 19/06/2023
- Silleda: CEIP Plurilingüe Silleda, 20/06/2023
- Dirixido a: comerciantes
- Concellos participantes e datas:
- A Cañiza. Aula CEMIT A Cañiza. 30 de xuño de 2023
- Gondomar. Centro de Desenvolvemento Local. 21 de xullo de 2023
- Moaña. Padroado Municipal Beiramar. 19 de xullo de 2023
- Poio. Centro de Formación da Reiboa. 7 de xullo de 2023
- Ponte Caldelas. Centro Cultural Público Municipal de Ponte Caldelas. 4 de xullo de 2023
- Ribadumia. Biblioteca municipal (Casa da Cultura). 11 de xullo 2023
- O Rosal. Aula de informática da Escola-Obradoiro Juan Manuel Castro Martínez. 5 de xullo de 2023
- Salceda de Caselas. Concello de Salceda de Caselas. 29 de xuño de 2023
- Silleda. Casa da Xuventude. 26 de xuño de 2023
- Tomiño. EscolaObradoiro O Regatiño. 13 de xullo de 2023
- Dirixido a: centros escolares
Novas relacionadas
A Deputación achega a 18 concellos da provincia dúas novas accións de apoio ao comercio ao abeiro dos proxectos Da Túa Man e Commerce Inside
23/06/2023
A Deputación dota a 16 concellos da provincia de novas illas ecolóxicas para darlle vida ao comercio local
13/04/2023
A Deputación dota aos concellos da provincia de novas prestacións para potenciar o comercio de proximidade
13/01/2023