A exposición Pazos de Pontevedra é unha mostra especialmente orientada ao público familiar na que percorreremos a historia destes espazos que forman parte do noso patrimonio, microcosmos que durante décadas foron case autosustentables.

A mostra divídese en 9 áreas que a través de textos, fotografías e obxectos nos irán amosando distintos aspectos da vida pacega, o cheiro a herba acabada de cortar, metáfora do seu carácter eminentemente agrario.