Vigo Porté 2026 é un evento internacional de disciplinas de baile que chega á súa décimo cuarta edición no auditorio Mar de Vigo, onde se desenvolveu de forma continuada desde a súa creación en 2012. Levarase a cabo desde o 29 de abril ao 3 de maio e reunirá participantes de distintas procedencias, principalmente de España, Portugal e Reino Unido.
A programación inclúe o Trofeo de Baile (competición principal), Espazo Mostra, Masterclass, Workshop e Meet & Greet de K-Pop. O evento incorpora distintas disciplinas coma baile deportivo, hiphop, acro e propostas híbridas que combinan danza con outras modalidades.

Ao longo das súas edicións participaron máis de 11.000 bailaríns, 2.500 coreografías e 450 escolas de danza.