Un ano tendendo pontes

Escoitar, entender e atender, con humildade, responsabilidade e ganas

“Tendemos pontes” é a máxima que guía a acción da Deputación de Pontevedra na nova etapa que botou a andar o 6 de xullo de 2023, cando o presidente Luis López tomou posesión do cargo. Cúmprense doce meses desde que o Goberno provincial iniciou o mandato. “Foi un ano de cambios, de municipalismo e de tender pontes”, destacou o máximo responsable da institución no acto de celebración do primeiro aniversario do Goberno, que tivo lugar no Pazo Provincial.

Luis López cifrou en 90 millóns os investimentos en obras nos 61 concellos nestes doce meses, a través de distintos programas, e en 725 os empregos xerados co Plan +Provincia. Ademais, salientou as novas axudas a asociacións e comunidades e remarcou que a Deputación de Pontevedra “está a carón da xente”. A este respecto sinalou que a institución lle dá apoio económico a 1.100 entidades da provincia e apuntou que as e os responsables do Goberno participaron neste primeiro ano en máis de 1.800 actos públicos, 450 deles coa asistencia do propio presidente.

“Seguiremos traballando con máis humildade, responsabilidade e ganas”, garantiu o mandatario provincial.

Aquí podedes acceder a toda a información do acto de celebración do primeiro aniversario no Pazo provincial e aos principais fitos destes doce meses.

Doce meses, doce fitos

• Investimentos municipalistas
• Centos de obras para a veciñanza
• Impulso ao emprego
• Man a man coas alcaldesas e alcaldes
• A colaboración por bandeira
• A carón da xente
• Acción comunitaria
• Sempre co deporte
• Turismo de récord
• Aposta polas cidades
• Coa xuventude e fronte ao reto demográfico
• A provincia vai a máis
• 12+1. Unha xestión solvente