Asociación de Pais de Persoas con Trastorno do Espectro Autista de Centros de Apoio Familiar

APACAF

• Vigo
• 986 587 475
• info@apacaf.org
• www.apacaf.org/

A Asociación de Pais de Persoas con Trastorno do Espectro Autista de Centros de Apoio Familiar (APACAF) é unha entidade sen ánimo de lucro cuxo fin é mellorar a calidade de vida das persoas con autismo e das súas familias. Ofrece servicios especializados na atención a persoas con autismo a través de proxectos de vida individualizados e centrados na persoa para fomentar a súa autonomía persoal, a súa participación comunitaria e a súa inclusión social, a integración laboral e o mantemento da saúde e do benestar emocional nunha contorna natural, en grupos reducidos e nun ambiente familiar.

Persoas destinatarias

Persoas adultas con autismo e necesidades de apoio xeral, intenso e continuado.
Actuacións

A entidade conta con dous centros de atención na provincia de Pontevedra: A Braña, na Estrada, e A Penagrande, en Moraña.
No centro da Braña préstanse os seguintes servizos:

• Atención residencial terapéutica os 365 días ao ano para persoas adultas con autismo
• Ocio e tempo libre nas fins de semana e campamentos de verán para persoas adultas e mozas e mozos con autismo

No centro da Penagrande ofrécese o seguinte servizo:

• Centro de día para persoas adultas con autismo e diversidade funcional

As actividades están deseñadas por profesionais e dirixidas a acadar os maiores niveis de autonomía persoal, inclusión social e integración laboral das persoas con autismo.

• Actividades da vida diaria: mantemento da casa, coidado da horta e dos animais etc.
• Aulas e obradoiros:
  • Informática
  • Psicomotricidade
  • Aula multisensorial ou Snoezelen
  • Formación
  • Comunicación
  • Musicoterapia
  • Curso de natación
• Saídas de ocio e tempo libre
• Gozo do medio natural: paseos pola contorna, sendeirismo etc.

Datos de contacto

Placer, 5, 3.º B, 36202 Vigo