#Igualdade
María Vinyals
Escola de Igualdade
O 29 de xuño de 2016 inaugurase no castelo de Soutomaior a Escola de Igualdade María Vinyals que nace coa firme intención de mellorar o coñecemento do que é e do que significa a igualdade de oportunidades entre mulleres e homes, desde unha perspectiva transversal, integrándoa non só no coñecemento profesional senón tamén no enriquecemento persoal.
OBXECTIVO XERAL
Crear un espazo no que se imparta formación gratuíta e de calidade en materia de igualdade de oportunidades entre mulleres e homes e que sexa un lugar de encontro e intercambio de saber para os equipos de profesionais que traballan na loita contra a violencia machista e na procura da igualdade efectiva.
Nesta Escola, a través de seminarios, congresos e charlas, entre outras actividades, daráselle cobertura formativa a todo o persoal profesional da provincia que desenvolva a súa actividade en prol da igualdade, rexeitando calquera manifestación de violencia contra as mulleres ou que produza calquera tipo de desigualdade.
PERSOAS DESTINATARIAS
Preferentemente o persoal técnico da Administración local, as e os profesionais que traballan na loita contra a violencia machista e as mulleres electas que desenvolven o seu labor na provincia de Pontevedra.
Estas son algunhas das xornadas que se realizaron na Escola de Igualdade María Vinyals:
- Xornada inaugural (29/7/2016)
- Xornada Muller e Liderado(29/9/2016)
- Xornadas de Visibilización e Empoderamento. Mulleres rurais (3/12/2016)
- Xornada Miradas Interdisciplinares sobre a Violencia de Xénero(15/7/2017)
- Xornada A Experiencia das Mulleres no Mundo do Viño (10/7/2017)
- Curso de Formación en Igualdade (de outubro de 2017 a marzo de 2018)
- Xornada Autoliderado e Marca Persoal (12/12/2017)
- Foro As Mulleres que Opinan Son Perigosas (2018-2019 e 2020-2021)
- Tempadas de Igualdade. CyM Obradoiro de Xestión Cultural con Perspectiva de Xénero. Grupo Promotor Galicia (9/5/2018)
- Infancia e Adolescencia: Unha Cara Oculta da Violencia de Xénero (26/5/2018)
- Pacto de Estado contra a Violencia de Xénero. O Estado da Cuestión (7/6/2018)
- Xornada Profesionais pola Igualdade (27/9/2018)
- Xornada As Mulleres no Sector Lácteo (27/10/2018)
- Xornada Muller e Poder (3/4/2019)
- Xornada Mercantilización do Corpo das Mulleres (9/10/2019)
- Webinario Teletraballo. Novas Tecnoloxías con Perspectiva de Xénero (9/7/2020)
- Xornada As Mulleres e os Efectos da COVID-19 na Galicia Rural (28/10/2020)
- Xornada Libres? A Cousificación do Corpo das Mulleres (12/11/2020)
- Xornada Fóra de Plano: as Mulleres no Audiovisual (10/12/2020)
- Xornada A Axenda 2030 e o Papel das Mulleres na Administración Pública do Futuro (do 22 ao 29 de abril de 2021)
- Formación en Igualdade. Canteira de Igualdade (febreiro de 2022)
- “Produtora executiva e directora, elección ou necesidade?” (abril 2022)
- II Encontro Nacional sobre Políticas Públicas (xuño 2022)
- Axenda 2030.Emprendemento Feminino e Innovación (setembro 2022)
- Curso: Debates Teóricos e Axenda Política Feminista (outubro 2022)
- Xornada sobre a relación entre o sexo, o xénero e as enfermidades (decembro 2022)
- Canteira de Igualdade (último trimestre de 2022)