Gabinete de Prensa

O Gabinete de Prensa da Deputación de Pontevedra encárgase de planificar, coordinar e desenvolver accións de comunicación que lles acheguen a actividade desta institución ós cidadáns, conscientes de que unha Administración aberta e transparente debe garantir a fluidez da comunicación coa sociedade.

Este servizo actúa fundamentalmente en catro eidos:

• Trasladándolle á cidadanía –a través dos medios de comunicación ou redes sociais– a actividade da institución
• Atendendo as demandas de información dos xornalistas
• Exercendo o labor de asesoramento dos diferentes servizos e persoas que forman parte da institución na súa relación cos medios de comunicación
• Facilitando a retroalimentación entre a sociedade e a institución