Obradoiro 1: Banda Deseñada desde Cero. O Meu Día a Día en Viñetas

Docente: Sergio Covelo

Data: xoves 13 de novembro de 17 a 19 h

Lugar: salón de actos do Edificio Administrativo. Avenida de Montero Ríos, s/n, Pontevedra

Contidos:

1. Contido teórico (30 minutos)

• Tipos de planos: a importancia dos planos para coñecer a narrativa visual. Plano xeral vs. plano detalle. Picado, contrapicado, cenital e plano medio. Os paralelismos co cine e cos videoxogos.
• Elementos básicos da banda deseñada: viñetas, globos de diálogo, onomatopeas.
• Proceso técnico: pasos a seguir desde o bosquexo con formas xeométricas ata a tinta final. Erros frecuentes en principiantes.

2. Exercicio práctico (1,5 horas): “Transforma a túa vida nunha páxina de banda deseñada”

• Inspírate en escenas da túa vida (saída do instituto, unha festa local...).
• Emprega referencias visuais e engade fantasía coa axuda do docente.
• Aplica o aprendido usando distintos planos e elementos (viñetas, globos etc.).

Obradoiro 2: Obradoiro de Creación de Personaxes

Docente: Lucía Cid

Data: sábado 15 de novembro de 11 a 13 h

Lugar: Sala Abanca. Rúa de Calvo Sotelo, 7, A Estrada

Contidos:

1. Contido teórico (30 minutos)

Fundamentos básicos de creación de personaxes:

• Aspecto físico: formas corporais, esaxeración de trazos e a teoría das siluetas.
• A personalidade e trazos psicolóxicos: tipos de personalidade, eneatipos e teoría das personaxes de cores.
• Estilos artísticos: manga, franco-belga clásico, liña clara, escola de Marcinelle, webtoon etc.
• Análise de personaxes famosos: características que os destacan.

Proceso creativo:

• Aspectos que se deben ter en conta para deseñar unha ou un personaxe carismático.
• A documentación e a inspiración.
• Exemplo práctico: paso a paso da creación dun personaxe de Dinocarreras.

2. Exercicio práctico (1,5 horas): "Deseña un personaxe de fantasía inspirado na túa vila"

• Crea atributos visuais baseados en elementos locais (ex.: mariscadora con poderes do litoral).
• Inclúe unha breve descrición do seu vínculo co territorio.

Obradoiro 3. Como Se Fai un Manga?

Docente: Lucía Cid

Data: sábado 22 de novembro de 11 a 13 h

Lugar: Casa Mariñeira de Don Fernando. Rúa do Doutor Lalinde del Río, 3, Portonovo

Contidos:

1. Contido teórico (30 minutos)

• Historia do manga e autoras e autores relevantes.
• Xéneros: kodomo, shojo, shonen, seinen e josei.
• Estilos e a simplificación do corpo humano.
• Estruturas narrativas: a viaxe do heroe, a estrutura clásica e os personaxes.
• Proceso técnico: creación dun storyboard, o coloreado (tradicional/dixital) e o uso de bocadillos e textos.

2. Exercicio práctico (1,5 horas): “Crea unha páxina de manga futurista na túa vila”

• Deseña un escenario futurista baseado no teu concello.
• Crea un personaxe principal con deseño manga.

Obradoiro 4. Como Contar Historias: a Composición Visual na Banda Deseñada

Docente: Sergio Covelo

Data: sábado 29 de novembro de 11 a 13 h

Lugar: Artistea Residencia de Artistas. Praza Maior, 39, Ponteareas

Contidos:

1. Contido teórico (30 minutos)

Breve historia da banda deseñada desde a aparición de The Yellow Kid.

• Autores clásicos e referentes internacionais: Ibáñez, Escolar, Paco Roca, Osamu Tezuka, Akira Toriyama, Frank Miller etc.

Creación de guións

• Fases: sinopse, argumento, guión técnico e storyboard.
• Estruturas narrativas: desde “inicio, nó, desenlace” a técnicas complexas.

Composición de páxinas

• Como construír unha páxina de BD dun xeito planificado: que composición é a máis axeitada para a miña historia?
• Comparativa entre estilos: cómic norteamericano (comercial e alternativo), europeo e manga.
• Diferenzas e semellanzas das narrativas da BD.

2. Exercicio práctico (1,5 horas): “Unha páxina, unha historia: retrata a túa comarca”

• Crea unha historia breve que aborde un problema real ou imaxinario da túa comarca (ex.: a contaminación dun río ou a emigración xuvenil).
• Aplica os conceptos de composición e guión aprendidos, planificando a distribución das viñetas e o fluxo narrativo para transmitir a mensaxe de forma efectiva.